NÚMEROS 20:21 - Dios Rimashca Shimicunami

²¹ Edomta mandajca, paipaj llajta ñanta israelcuna pasachunca mana saquircachu. Chaimi israelcunaca shujtaj ñanta mashcashpa chaimanta ladoyashpa rircacuna.

NÚMEROS 20:21 Iomraidhean Croise

2 CRÓNICAS 20:10

Chaimanta cunanca canllataj ricunguimi. Amonpi, Moabpi causajcunapish, Seir urcupi causajcunapishmi shamushcacuna. Egiptomanta israelcuna shamucujpica, chaicunapaj llajtata pasachunca mana munashcachu carcangui. Ashtahuanpish paicunamanta caruta rishpa, ama llaquichichunmi mandashca carcangui.

NÚMEROS 21:23

Chashna mañajpipish Sehonca paipaj llajtata israelcuna pasachunca mana saquircachu. Ashtahuanpish Sehonca paipaj gentecunata tandachishpami, israelcunahuan macanacungapaj shitashca pambaman llujshishpa, Jahaza puebloman chayashpa chaipi israelcunahuan macanacurca.

NÚMEROS 21:4

Israelcunaca Hor urcumanta rishpaca, Edomta muyungapajmi, Puca Cuchaman rina ñanta rircacuna. Ashtahuanpish israelcunaca yallitaj achcata puricushpalla ña mana rishun nishpami,

DEUTERONOMIO 2:27

Ñucami cambaj llajta jatun ñanta pasasha nini. Chai ñanmantaca allimanpish lluquimanpish mana llujshishpallami risha.

DEUTERONOMIO 2:29

Seir urcupi causaj Esaupaj huahua huahuacuna, Arpi causaj moabitacuna ñucahuan ima shinami rurarca chai shinallataj rurapai. Mandaj Dios, ñucanchij Taita Dios cusha nishca llajtaman Jordán yacuta ch'imbashpa chayagringapajmi chashna roganchij nichunmi cacharcani.

DEUTERONOMIO 23:7

Edomitacunataca cancunapurallataj cashcamanta ama p'iñanguichijchu. Cancunaca Egiptopica shujtaj llajtamanta purij runa shinallami causarcanguichij. Chaimanta egipciocunataca ama p'iñanguichijchu.

JUECES 11:17

Chaiman chayashpami Edom llajtata jatun mandajtaca: Ñucanchij pasangacamalla cambaj ñanta mañachihuai nichun maijancunata cacharca. Ashtahuanpish Edomta jatun mandajca mana uyasha nircachu. Moabitacunata jatun mandajta ñanta mañanaman cachajpipish paipish mana uyasha nircachu. Chaimantami israelcunaca Cades pueblollapitaj saquirircacuna.

JUECES 11:18

Chashna mana pasachisha nijpimi, shitashca pambata rishpa Edom llajta, Moab llajta huashanijta muyushpa rirca. Chaimantaca inti llujshin ladoman caj Moab llajta ch'imbanijta shamushpami Arnón jatun yacu ch'imbanijllapi carpa huasicunata shayachishpa chaipi saquirircacuna. Arnón yacuca moabitacunapaj llajtapi cashcamantami chaimanca mana yaicurca.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.