NÚMEROS 20:18 - Dios Rimashca Shimicunami

¹⁸ Shina nijpi, Edomta mandajca: –Ñuca llajtataca manataj pasanguichijchu. Cancuna pasashuntaj nijpica, macanacungapaj ñuca soldadocunahuanmi llujshisha– nircami.

NÚMEROS 20:18 Iomraidhean Croise

NÚMEROS 20:19

Chaimi israelcunaca: –Ñucanchijca jatun ñanllatamari rishun. Ñucanchijpish, ñucanchij animalcunapish cancunapaj yacuta ubyashpaca mashna cajpipish pagashunmi. Ñucanchij pasangacamalla cambaj ñanta mañachihuai– nircacunami.

NÚMEROS 20:20

Shina nijpipish: –Ñuca llajtataca manataj pasanguichijchu– nishpami, Edomta mandajca alli macanacuj achca gentecunata pushashca israelcunahuan macanacungapaj llujshirca.

NÚMEROS 21:23

Chashna mañajpipish Sehonca paipaj llajtata israelcuna pasachunca mana saquircachu. Ashtahuanpish Sehonca paipaj gentecunata tandachishpami, israelcunahuan macanacungapaj shitashca pambaman llujshishpa, Jahaza puebloman chayashpa chaipi israelcunahuan macanacurca.

NÚMEROS 21:4

Israelcunaca Hor urcumanta rishpaca, Edomta muyungapajmi, Puca Cuchaman rina ñanta rircacuna. Ashtahuanpish israelcunaca yallitaj achcata puricushpalla ña mana rishun nishpami,

NÚMEROS 24:18

Edomtaca japingacunami. Seirtapish japingacunami. Paicunata p'iñajcunami japingacuna. Israelcunaca jatun milagrocunatami rurangacuna.

DEUTERONOMIO 2:29

Seir urcupi causaj Esaupaj huahua huahuacuna, Arpi causaj moabitacuna ñucahuan ima shinami rurarca chai shinallataj rurapai. Mandaj Dios, ñucanchij Taita Dios cusha nishca llajtaman Jordán yacuta ch'imbashpa chayagringapajmi chashna roganchij nichunmi cacharcani.