NÚMEROS 20:17 - Dios Rimashca Shimicunami

¹⁷ Chaimantami ñucanchijca cambaj llajtata pasangapaj ñanta mañachichun roganchij. Ñucanchijca chagracuna jahuatapish, uva chagracuna jahuatapish mana rishunchu. Cancunapaj pugyucunamantapish yacuta mana ubyashunchu. Cambaj llajtata pasangacamaca alli ladomanpish lluqui ladomanpish mana llujshishpa jatun ñanllatami rishun” nishpa rogachunmi cacharca.

NÚMEROS 20:17 Iomraidhean Croise

2 CRÓNICAS 20:10

Chaimanta cunanca canllataj ricunguimi. Amonpi, Moabpi causajcunapish, Seir urcupi causajcunapishmi shamushcacuna. Egiptomanta israelcuna shamucujpica, chaicunapaj llajtata pasachunca mana munashcachu carcangui. Ashtahuanpish paicunamanta caruta rishpa, ama llaquichichunmi mandashca carcangui.

NÚMEROS 21:1

Cananeocunata jatun mandajca Neguev llajtapi caj Arad pueblopimi causarca. Paica Atarim puebloman rina ñanta israelcuna shamucun nijta uyashpami, israelcunahuan macanacunaman llujshishpa israelcunahuan macanacushpa maijancunataca prezu japirca.

DEUTERONOMIO 2:27

Ñucami cambaj llajta jatun ñanta pasasha nini. Chai ñanmantaca allimanpish lluquimanpish mana llujshishpallami risha.

DEUTERONOMIO 2:28

Ashtahuanpish micunatapish cullquipimari c'atungui chaitami micusha. Yacutapish cullquipimari c'atungui chaitami ubyasha. Jatun ñanllatami pasasha.

DEUTERONOMIO 2:29

Seir urcupi causaj Esaupaj huahua huahuacuna, Arpi causaj moabitacuna ñucahuan ima shinami rurarca chai shinallataj rurapai. Mandaj Dios, ñucanchij Taita Dios cusha nishca llajtaman Jordán yacuta ch'imbashpa chayagringapajmi chashna roganchij nichunmi cacharcani.