NÚMEROS 20:16 - Dios Rimashca Shimicunami

¹⁶ llaquihuan cashpa Mandaj Diosta ñucanchij caparishpa mañajpi, pai uyashpa paipaj angelta cachashpa ñucanchijta Egiptomanta llujshichishcatapish allimi yachangui. Cunanca ñucanchijca cambaj llajta lindecuna c'uchullapi caj Cades pueblopimi canchij.

NÚMEROS 20:16 Iomraidhean Croise

ÉXODO 14:10

Faraón ñalla c'uchuyagricujta israelcuna ricushpami, paicunata egipciocuna caticushcata ricushpa, jatunta mancharishpa Mandaj Diosta caparishpa mañarcacuna.

ÉXODO 14:19

Israelcunata ñaupashpa ricuj Taita Diospaj angelca paicunapaj huasha ladoman tucushpami huashata catirca. Paicunata ñaupashpa ricuj suni p'uyupish paicunapaj huasha ladoman tucushpa huashata catishpami,

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 33:2

Canta ñaupashpa richunca angeltami cachasha. Chai llajtamantaca cananeocunata, amorreocunata, heteocunata, ferezeocunata, heveocunata, jebuseocunatapishmi llujshichishpa cachasha.

ÉXODO 6:5

Cunanca israelcunataca cai Egiptopi causajcuna huatashcata shina paicunapajta trabajachicujpi paicuna aij nishcata uyashpami ñuca rurasha nishcataca cunan rurasha nini.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

NÚMEROS 20:15

Ñucanchij yayacuna Egiptoman ima shina uriyashcatapish, Egiptopi uni huatacunata ñucanchij cashcatapish, ñucanchijtapish, ñucanchij yayacunatapish egipciocuna ima shinalla llaquichishcatapish,

NÚMEROS 21:22

“Ñucanchijmi cambaj llajtata pasangapaj ñanta mañachichun roganchij. Ñucanchijca cambaj chagracuna jahuatapish, uva chagracuna jahuatapish mana rishunchu. Cancunapaj pugyucunamantapish yacuta mana ubyashunchu. Cambaj llajtata pasangacama jatun ñanllatami rishun” nichunmi cacharca.

NÚMEROS 33:37

Cadesmanta rishpaca, Edom llajtapaj lindepi caj Hor shuti urcuman chayashpami, carpa huasicunata shayachishpa tiyarircacuna.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

DEUTERONOMIO 4:37

Paica cancunapaj ñaupa yayacunata c'uyashcamantami paicunapaj q'uipa huahua huahuacunataca agllarca. Paimi Egiptomantaca, pai quiquintaj tucuita rurai tucuj cashcahuan llujshichimurca.

JOSUÉ 15:1

Judá aillupajpish sorteajpica, tucui cai llajtacunami paicunapaj urmarca: Inti huashicun ladotaca, Edom llajtahuan tupanacuncama, ura ladotaca Zin nishca shitashca pambatami carca. Paicunamanca mashna familia cashcata ricushpa causana pajtatami curca.