NÚMEROS 20:13 - Dios Rimashca Shimicunami

¹³ Chai yacucunaca p'iñanacushca yacu nisha ninmi. Israelcunaca chaipimi Mandaj Diostaca yacu illan nishpa juchachishpa rimarcacuna. Mandaj Diosca paicunapaj chaupipimi pai jucha illaj cashcata ricuchirca.

NÚMEROS 20:13 Iomraidhean Croise

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

SALMOS 81:8

Ñucapaj cajcuna uyaichigari. Ñuca cunashcata uyaichigari. Israelcunaca ñucata cazushpamari alli canguichijman.

SALMOS 95:8

“Meribapi shina ama rumi shungu tucunguichijchu. Masah shuti shitashca pambapi rurashca shinapish, ama rumi shungu tucunguichijchu.

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

ISAÍAS 5:16

Tucuita Mandaj Diosca, runacunataca paicuna ima shina cashcatataj ricuchishpa mandashpami, alli nishca canga. Jucha illaj Diosca cashcata rurashpa mandashpami alli nishca canga.

EZEQUIEL 20:41

Cancunataca shujtaj runacunapurapi, shujtaj llajtacunapi caipi chaipi causacujpi tandachishpaca, mishquijllata ashnacuj inciensota shinami chasquisha. Chashnami cancunamantaca shujtaj llajtacunapi causajcunapaj ñahuipica, ima juchachina illaj ricurisha.

EZEQUIEL 36:23

Shujtaj llajtacunapi causajcunaman ñuca jatun shutita yangata rurachishcataca jatunyachishami. Cancunapurapi ñuca shutita jatunyachijta ricushpami, shujtaj llajtacunapi causajcunaca ñucataca, Mandaj Diostaj cashcataca yachangacuna. Mandaj Jatun Diostajmi chashna nini.

EZEQUIEL 38:16

Ñuca agllashca israelcunataca llaquichinaman huichiyashpami, paicuna causacun llajtataca p'uyu shina tapanguichij. Mandaj Gog runalla, shujtaj llajtacunapi causajcunapaj ñaupajpi, ima juchachina illajlla cangapajmi, ñuca agllashcacunataca llaquichichun ñucallataj cachasha ninmi.

DEUTERONOMIO 32:51

Cancunaca ishquindijtajmi, Cades llajtapi cashpaca Zin nishca shitashca pambapi caj Meriba yacucuna c'uchupica ñucata p'iñachishpa tucui israelcunapaj ñaupajpi juchallircanguichij. Ñucataca jucha illaj Jatun Dios cashcata paicunaman mana ricuchircanguichijchu.

DEUTERONOMIO 33:8

Levita alli cashca canguichijman nishpaca cashnami nirca: “Mandaj Dioslla Tumimpish quiquinpajmi, Urimpish quiquinpajmi. Chaitaca can yuyailla causaj Levipaj maquipimi churarcangui. Pai ima shina cajtaca Masahpimi ricurcangui. Meriba yacupimi achcata rimanacurcangui.