NÚMEROS 2:2 - Dios Rimashca Shimicunami

² “Israelcunaca Dioshuan tupanacuna carpa huasimanta carullapi carpa huasicunata shayachishpa quiquin bandera c'uchupi tiyarichun. Chaipica paicunapaj cada familiata ricuchicuj ucupi tiyarichun.

NÚMEROS 2:2 Iomraidhean Croise

SALMOS 74:4

Quiquinta p'iñajcunaca cambajlla cajcunapaj chaupipimari caparirircacuna. Paicuna japishcata ricuchij banderacunatamari churarcacuna.

SALMOS 76:11

Cancunapaj Taita Diosman cuna tucushcataca pajtachichigari. Paipaj muyundijpi cajcunaca manchana Diosman cuna cashcataca tucuicuna cuichigari.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 18:3

Tucui cai pachapi causaj cancuna, allpa pachapi causajcuna, urcucunapi banderata shayachijta ricuranguichij. Trompetapi tocajta uyaranguichij.

EZEQUIEL 43:7

cashnami nirca: “Huañujlla aichayuj runa, chaipica jatun tiyarinapi ñuca tiyarinami. Caipica ñuca chaquicunata samachinami. Caipimi israelcunahuanca huiñaita causasha. Israelcunaca paicunapish, paicunata jatun mandajcunapish ña mana huainayashpa, ñuca shutita ashtahuan yangata rurangacunachu. Jatun mandajcunapaj huañushca aichacunatapish, ña mana ashtahuan lomacunapi tiyaj altarcunapica churangacunachu.

ZACARÍAS 9:16

Chai punllacunapica paicunata Mandaj Diosmi, pai agllashcacunataca canlla ovejata shina quishpichinga. Paipaj llajtapica diademapi churashca achij nicuj rumicuna shina sumajyachishcami cangacuna.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 10:14

Judá aillupaj bandera ucupi caj soldadocunami tucuicuna paicunata ima shina rinata mandashca shinallataj ñaupashpa ri callarircacuna. Judá aillupaj soldadocunataca, Aminadabpaj churi Naasonmi pusharca.

NÚMEROS 10:18

Chai q'uipaca, Rubén aillupaj soldadocunami paicunapaj banderahuan paicunata ima shina rinata mandashca shinallataj catishpa rircacuna. Rubén aillupaj soldadocunataca, Sedeurpaj churi Elisurmi pusharca.

NÚMEROS 10:22

Chai q'uipaca Efraín aillupaj soldadocunami paicunapaj banderahuan paicunata ima shina rinata mandashca shinallataj catishpa rircacuna. Efraín aillupaj soldadocunataca, Amiudpaj churi Elisamami pusharca.

NÚMEROS 10:25

Chai q'uipaca, Dan aillupaj soldadocunami paicunapaj banderahuan paicunata ima shina rinata mandashca shinallataj tucuicunapaj q'uipa paicunata catishca rircacuna. Dan aillupaj soldadocunataca, Amisadaipaj churi Ahiezermi pusharca.

NÚMEROS 2:1

Mandaj Diosca Moisestapish, Aarontapish cashna nishpami mandarca:

NÚMEROS 2:10

Rubén aillupaj soldadocunaca ura ladoman tiyarichun. Paicunapaj banderapish chai c'uchullapitaj cachun. Rubenpaj soldadocunata mandajca Sedeurpaj churi Elisurmi.

NÚMEROS 2:3

Judá ailluca Diospaj carpa huasi ñaupaj ladoman, inti llujshin ladoman paicunapaj carpa huasicunata shayachishpa tiyarichun. Quiquin bandera c'uchupi paicunapaj soldadocuna maipi canpi tiyarichun. Judá ailluta mandajca, Aminadabpaj churi Naasonmi.

NÚMEROS 24:2

Chaimantaca israelcunaca cada aillu ch'ican ch'ican paicunapaj carpa huasicunata shayachishpa tiyacujtami ricurca. Diospaj Espíritu paipaj jahuaman shamujpimi,

1 Corintios 14:33

Diosca mana muspachij Dioschu, ashtahuanpish sumaj causaita cujmi. Jucha illajlla tandanacushca crijcunapi maipi cashpapish caj shinallataj,

1 Corintios 14:40

Ashtahuanpish tucui imatapish rurana cashca shina allita ruraichij, ama maipish cachun ruraichijchu.

Filipenses 1:27

Cancunataca Cristopaj alli huillaipi nishca shinataj purichunllami rogani. Ricunaman rijpipish, mana rijpipish shujlla Espiritupi sinchiyarishpa, alli huillaita crishcapi shuj shinalla macanacucujtami uyasha nini.

Colosenses 2:19

Paicunaca uma caj Cristohuanca mana shuj shinalla canchu. Ashtahuanpish Cristomari paipi cajcunataca mucucunahuan, angucunahuan shujllata rurashpa, carashpa, sinchiyachishpa, Dios cushcahuan huiñachicun.

JOSUÉ 3:4

Cancunaca maijanpish manaraj cai ñantaca purijcunachu canguichij. Chaimanta paicuna ñaupashpa rijpi maita rina cashcata yachanguichij. Diospaj arcata apacujcunapajmanca ama c'uchuyanguichijchu. 900 metro shina carupi catishpa ringuichij” nishpami mandarcacuna.