NÚMEROS 2:18 - Dios Rimashca Shimicunami

¹⁸ Efraín aillupaj soldadocunaca inti huashicun ladoman tiyarichun. Paicunapaj banderapish chai c'uchullapitaj cachun. Efraín aillupaj soldadocunata mandajca, Amiudpaj churi Elisamami.

NÚMEROS 2:18 Iomraidhean Croise

GÉNESIS 48:5

Cunanca cai Egiptopi ñuca canhuan manaraj tandanacunaman shamujpi, caipi huacharishca Efraín, Manasés cambaj ishqui churicunaca ñuca churi Rubén, Simeón shinallataj ñuca quiquin churicunami.

JEREMÍAS 31:9

Caimantaca huacashpami, llujshishpa ringacuna. Shina cajpipish, ñucaca jatun c'uyaihuanmi tigrachimusha. Sumaj yacu tiyan pugrucunatami purichisha. Ima ñitcarina illaj sumaj ñanpimi churasha. Ñucamari israelcunapajca yaya cani, Efrainca ñuca punta churimari” ninmi.

NÚMEROS 1:10

Josepaj churicunamanta: Efraín aillumantaca, Amiudpaj churi Elisama cachun. Manasés aillumantaca, Pedasurpaj churi Gamaliel cachun.

NÚMEROS 1:32

Josepaj churi, Efrainpaj huahua huahuacunatapish cada yayamanta mirarimushcacunataca, cada familiatami ishqui chunga huatayujmanta huichiman caj c'aricunataca cada quiquinpaj shuticunata quillcarca. Macanacuiman llujshipaj caj tucuicunatami quillcarca.

NÚMEROS 10:22

Chai q'uipaca Efraín aillupaj soldadocunami paicunapaj banderahuan paicunata ima shina rinata mandashca shinallataj catishpa rircacuna. Efraín aillupaj soldadocunataca, Amiudpaj churi Elisamami pusharca.

NÚMEROS 2:19

Efrainpaj soldadocunata yupashcaca, 40.500 c'aricunami.

NÚMEROS 7:48

Canchis punllapi cuna cashcata cujca, Amiudpaj churi Elisamami carca. Paica Efraín ailluta pushajmi carca.

NÚMEROS 7:53

Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Amiudpaj churi Elisama Diosman cushcacunaca chaicunami carca.

DEUTERONOMIO 33:17

Paipaj fuerzaca punta huacharishca huagrapaj shinami. Paipaj gachucunaca búfalo huagrapaj gachucuna shinami. Chai gachucunahuanmi tucui gentecunataca tucui cai pachapi urata janajta sagmashpa shitanga. Efrainpaj huahua huahuacunaca huaranga huarangacunami. Manasespaj huaranga huaranga runacunapish c'ari c'aricunami” nircami.