NÚMEROS 19:21 - Dios Rimashca Shimicunami

²¹ Chai mandashcaca huahua huahua ruracuchunlla mandashcami. Mapa illajllata rurana yacuhuan tsirapaj runapish paipaj churanacunata tajshachun. Mapa illajllata rurana yacupi maijanpish tuparijca, tutayangacama mapami canga.

NÚMEROS 19:21 Iomraidhean Croise

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 11:40

Huañushca animalpaj aichata micujca paipaj churanacunata tajshachun. Paica tutayangacamami mapa saquiringa. Huañushca animalta llujshichijpish, paipaj churanacunata tajshachun. Paipish tutayangacama mapami saquiringa.

NÚMEROS 18:23

Dioshuan tupanacuna carpa huasipica levitacunallami Diospajta rurangacuna. Chaipi imalla rurana cashcata mana paicunalla rurashpaca, paicunallatajmi juchayuj tucungacuna. Chai ruranataca cambaj huahua huahuacunapish paicunalla ruracuchunlla mandashcami. Levitacunaca israelcunapurapica allpataca mana japingacunachu.

NÚMEROS 19:10

Vacata rupachishca ushpata pallajpish paipaj churanacunata tajshachun. Paica tutayangacama maparajmi canga. Cai mandashcaca israelcuna cashpapish, paicunahuan causacuj mana israelcuna cashpapish chashnataj pajtachicuchunlla mandashcami.

NÚMEROS 19:7

Chai q'uipaca cura, paipaj churanacunata tajshashpa paipish armashpa, pai causacushca carpa huasiman tigrachun. Chashna cashpapish paica tutayangacama mapami canga.

NÚMEROS 19:8

Shinallataj vacata rupachijpish, paipaj churanacunata tajshashpa paipish armachun. Paipish tutayangacama mapami canga.

Hebreos 10:4

Malta torocunapaj, c'ari chivocunapaj yahuarca juchacunata mana anchuchi tucunchu.

Hebreos 7:19

(Mandashcaca, alli cajtatajca mana rurai tucurcachu). Ashtahuanpish tucuimanta yallita shuyacushcatami chasquircanchij. Chaimantami ñucanchijca Diospajman c'uchuyanchij.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.