NÚMEROS 19:19 - Dios Rimashca Shimicunami

¹⁹ Mapa illajlla runaca mapayashca runataca mapayashcamanta quimsa punlla tucujpipish, canchis punlla tucujpipish mapa illajllata rurana yacuhuan tsirapachun. Mapayashca runaca canchis punllapi ña mapa illajlla tucushpaca paipaj churanacunatapish tajshachun, paipaj cuerpotapish armachun. Paica tutayaitami mapa illajlla canga.

NÚMEROS 19:19 Iomraidhean Croise

GÉNESIS 2:2

Taita Diosca pai imalla ruranataca canchis punlla tucunapajca tucuitami tucuchirca. Tucui imalla rurana cashcata tucuchishpaca canchis punllapica samarircami.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

LEVÍTICO 14:7

Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 14:9

Ña canchis punlla tucujpica paipaj uma ajchatapish, barbatapish, ñahui pata millmatapish, cuerpo millmatapish tucui rutuchun. Paipaj churanatapish tajshashpa, paipish yacupi armashpami ima mapa illajlla saquiringa.

NÚMEROS 19:12

Chai runaca mapayashca quimsa punllapi mapa illajllata rurana yacuhuan mapa illajlla tucuchun. Canchis punlla tucujpipish chai yacuhuan mapa illajlla tucuchun. Chaipimi paica mapa illaj tucunga. Chai punllacunapi chai yacuhuan mana mapa illajlla tucushpaca mapallatajmi canga.

NÚMEROS 19:13

Huañushcapi maijan cashpapish tuparishpa mapayashcamanta mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chai runataca israelpuramanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami canga. Paica mapallatajmi saquiringa.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

NÚMEROS 31:19

Cancunapuramanta maijanpish shuj runata huañuchishca cashpa, huañushcapi tuparishca cashpaca carpa huasicunamanta canllaman canchis punllacunata saquirichun. Cancunapish, cancuna prezu apamushcacunapish, quimsa punlla tucujpipish, canchis punlla tucujpipish maillarishpa mapa illajlla tucuichij.

NÚMEROS 31:24

Canchis punlla tucujpica, cancunapaj churanacunata tajshashpa mapa illajlla tucuichij. Chai q'uipaca carpa huasicunaman yaicunguichijlla– nircami.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

Judas 1:23

Shujcunataca ninaman ricujta llujshichishpa quishpichichij. Caishujcunataca llaquijcuna caichij. Paicuna millaita rurashcacunapi mapayanataca manchaihuan caichij.