NÚMEROS 19:17 - Dios Rimashca Shimicunami

¹⁷ Chaita mapa illajllata rurangapajca, juchamanta cushpa vacata rupachishca asha ushpata japishpa mangapi churashpa, chaipica callpacuj yacuta churachun.

NÚMEROS 19:17 Iomraidhean Croise

GÉNESIS 26:19

Isaacpajta rurajcunaca chai pambapi pugyucunata rurangapaj allacushpami, t'imburishpa llujshicuj achca yacuta japircacuna.

CANTARES 4:15

Huertacunapi llujshicuj yacu shinamari, Libanomanta uriyacuj yacu shinamari.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

NÚMEROS 19:9

Vacata rupachishca ushpataca, mapa illaj runa japishpa, carpa huasicunamanta caruman ima mapa illajllapi churachun. Chai ushpaca mapa illajllata rurana yacuhuan chagrunapajmi canga. Israelcuna imapi mapayashcata mapa illajllata rurashpa paicunapaj juchamanta cunapajmi canga.

NÚMEROS 31:23

ninapi mana rupaipaj cajcunataca ninapi rupachichij. Chaimi mapa illajlla canga. Mapa illajllata rurana yacuhuanpish mapa illajllata ruranguichij. Ashtahuanpish imapish ninapi rupaipaj cajcunataca mapa illajllata rurana yacuhuan maillashpa mapa illajllata ruranguichij.

Juan 7:38

Quillcachishcapi nishca shinaca: “Ñucata crijpaj shungu ucumantaca, causaiyuj achca jatun yacumi pajchacungalla” ninmi– nircami.

Hebreos 9:13

Malta torocunapaj, c'ari chivocunapaj yahuarta huarmi bizita altarpi rupachishca ushpata millaita rurajcunapaj jahuapi tsirapajpica, mapamantapish jahua aichataca allichishpa chuyayachi tucunmi.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.