NÚMEROS 19:15 - Dios Rimashca Shimicunami

¹⁵ Chai ucupi tiyaj mangacunapish mana tapashca cashpa, mana cashpaca mana alli tapashca cashpapish mapami canga.

NÚMEROS 19:15 Iomraidhean Croise

LEVÍTICO 11:32

Chai animalcuna huañushca ima charinacuna jahuapi urmajpica, tucui chaicunaca mapami saquiringa. Caspimanta rurashca ima charinacuna cajpipish, churanacuna cajpipish, cara cajpipish, costal cajpipish, trabajanapaj ima charinacuna cajpipish chai animal huañushcapi tuparishca cajpica, chaicunataca yacupi satishpa churanguichij. Chaicunaca tutayangacama mapami saquiringa. Chai q'uipami ima mapa illaj saquiringa.

LEVÍTICO 11:33

Allpa mangapi chai animal huañushca urmajpica, chai manga ucupi tucui imalla tiyajcunandijmi mapayanga. Chai allpa mangataca p'aquinami canguichij.

LEVÍTICO 14:36

Chaipimi curaca llaquichij mapata alli ricungapaj manaraj yaicushpa, chai huasipi tucui imalla tiyajcunata chai ungüi ama mapayachichun tucuita chaimanta llujshichichun mandanga. Ña tucuita llujshichishca q'uipami curaca alli ricunaman yaicunga.

NÚMEROS 19:14

Maijanpish pai causacushca carpa huasillapitaj huañujpica, cashnami mandani: Mashna chai ucupi cajcunapish, pai huañushcata ricunaman chai carpa huasiman yaicujcunapish canchis punllacama mapami canga.

NÚMEROS 19:16

Huasicuna mana tiyanpi espadahuan huañuchishcapi, huañuna pajtajpi huañushcapi, huañushcapaj tullupi, huañushcata pambashcapi maijan cashpapish tuparijca canchis punllacama mapami canga.

NÚMEROS 31:20

Churanacunatapish, caramanta rurashca churanacunatapish, chivo millmamanta rurashca churanacunatapish tucuita tajshachuncuna. Caspimanta rurashca charinacunatapish tucuita maillashpa mapa illajlla tucunguichij– nircami.