NÚMEROS 19:13 - Dios Rimashca Shimicunami

¹³ Huañushcapi maijan cashpapish tuparishpa mapayashcamanta mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chai runataca israelpuramanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami canga. Paica mapallatajmi saquiringa.

NÚMEROS 19:13 Iomraidhean Croise

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

PROVERBIOS 14:32

Mana manchaj runataca pai millai cashcallatajmi, jatun llaquipi churan. Ashtahuanpish cashcata ruraj runaca, huañucushpapish shunguta churanmi.

EZEQUIEL 44:26

Mapayashcamanta armashpa mapa illaj tucushcamantaca, canchis punllata shuyachun.

LEVÍTICO 15:31

Israelpaj huahua huahuacunataca mapamanta chuyayachirashpa charinguichij. Paicunapaj chaupipi caj ñuca carpa huasita paicunapaj mapahuan mapayachishcamanta ama huañuchunmi chashna chuyata charina canguichij” nircami.

LEVÍTICO 20:3

Chai runahuan p'iñarishpami paitaca israelcunapuramanta anchuchisha. Moloc nishca diosman paipaj churita cushpa, ñucapajlla ch'icanchishca huasita mapayachishcamanta, jucha illaj ñuca shutitapish yanganchishcamantami chashna rurasha.

LEVÍTICO 22:3

Aaronpaj huahua huahua curacunaca cunan punllacunapish, shamuj punllacunapipish cashna cachun mandai: Israelcuna ñucapajlla ch'icanchishpa apamushcacunata maijan cura imapi mapayashca cashca jahua ñucaman cungapaj cuchuyajpica ñuca ñaupajmanta anchuchishcami canga. Ñucami Mandaj Dios cani.

LEVÍTICO 22:4

Aaronpaj huahua huahuacunamanta maijanpish lepra ungüihuan cashpa, mana cashpaca quiya shina yacu cachariricuj cashpaca, ima mapa illajlla tucungacama Diospajlla ch'icanchishcacunataca ama micuchun. Maijanpish ima huañushcapi tuparishca cashpa, mana cashpaca yuraj yacu cachariricuj cashpa,

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

LEVÍTICO 5:3

Maijanpish imamanta mapayashcapi tuparijca mapayangami. Mapayashca runapi tuparijpish mapami tucun. Tuparishcata mana yachashca cashpapish, q'uipata yachaj chayashpaca juchayujmi canga.

LEVÍTICO 5:6

Chai juchallishcamanta cuna cashcata Diosman cungapajca, paipaj canlla animalcunamanta shuj huarmi ovejata cashpa, shuj malta chivata cashpa apamuchun. Chai juchamantaca cura Mandaj Diosman cuchun.

LEVÍTICO 7:20

Sumaj causaimanta Diosman cushca aichaca, Mandaj Diospajlla ch'icanchishcami. Maijanpish mapayashca cashpapish chai aichata micujpica, israelcunapuramanta anchuchishcami canga.

LEVÍTICO 7:21

“Sumaj causaimanta Mandaj Diosman rupachishpa cushca aichaca Mandaj Diospajlla ch'icanchishcami. Mapayashca runapi cashpa, mapa animalpi cashpa, imapish millanana mapapi tuparishca cashpa, chai aichata micujpish israelcunapuramanta anchuchishcatajmi canga” nircami.

NÚMEROS 15:30

Israelcuna cashpapish, mana israelcuna cashpapish jatun tucushpa mana cazuj cashcamanta, Mandaj Dios mandashcata yuyaipi cashca jahuallataj juchallingachari. Chashna rurajtaca israelcunapaj chaupimanta anchuchishca cachun.

NÚMEROS 19:14

Maijanpish pai causacushca carpa huasillapitaj huañujpica, cashnami mandani: Mashna chai ucupi cajcunapish, pai huañushcata ricunaman chai carpa huasiman yaicujcunapish canchis punllacama mapami canga.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

NÚMEROS 19:19

Mapa illajlla runaca mapayashca runataca mapayashcamanta quimsa punlla tucujpipish, canchis punlla tucujpipish mapa illajllata rurana yacuhuan tsirapachun. Mapayashca runaca canchis punllapi ña mapa illajlla tucushpaca paipaj churanacunatapish tajshachun, paipaj cuerpotapish armachun. Paica tutayaitami mapa illajlla canga.

NÚMEROS 19:20

Maijanpish mapayashca cashca jahua, mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chashna cashcamanta paitaca tandanacushca israelcunamanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami.

NÚMEROS 19:9

Vacata rupachishca ushpataca, mapa illaj runa japishpa, carpa huasicunamanta caruman ima mapa illajllapi churachun. Chai ushpaca mapa illajllata rurana yacuhuan chagrunapajmi canga. Israelcuna imapi mapayashcata mapa illajllata rurashpa paicunapaj juchamanta cunapajmi canga.

NÚMEROS 8:7

Mapa illajlla cachunca cashna rurangui: Mapa illajllata ruraj yacuta paicunapaj jahuata tsirapangui. Paipaj tucui cuerpotapish cuchillohuan rasparichun, churanacunatapish tajshachun mandangui. Chashnami mapa illajlla tucunga.

NÚMEROS 9:13

Maijanpish manapish mapayashca cashpa, mana cashpaca maimanpish mana rishca cashpa chaillapitaj cashca jahua Pascua micuita mana rurajtaca, israelcunapuramanta anchuchishca cachun. Mandaj Dios mandashca punllapitaj Mandaj Diosman cuna cashcata mana cushpa juchallishcamantaca, chai juchamantaca llaquita apangatajmi.

Juan 8:24

Chaimi cancunataca cancunapaj juchallapitajmi huañunguichij nircani. Chashna nishca shinallatajmi ñuca pi cashcata mana crishpaca cancunapaj juchallapitaj huañunguichij– nirca.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:11

Cashcata mana rurajca, chashnallataj ruracuchunlla, mapata rurajca ashtahuan mapata ruracuchunlla. Cashcata rurajpish ashtahuan cashcata ruracuchunlla, jucha illajlla cajpish ashtahuan jucha illajlla tucucuchunlla.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.