NÚMEROS 19:12 - Dios Rimashca Shimicunami

¹² Chai runaca mapayashca quimsa punllapi mapa illajllata rurana yacuhuan mapa illajlla tucuchun. Canchis punlla tucujpipish chai yacuhuan mapa illajlla tucuchun. Chaipimi paica mapa illaj tucunga. Chai punllacunapi chai yacuhuan mana mapa illajlla tucushpaca mapallatajmi canga.

NÚMEROS 19:12 Iomraidhean Croise

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ÉXODO 19:11

quimsa punllapajca allichirishcacuna cachun ni. Quimsa punllapica Mandaj Diosca tucui israelcuna ricucujpimi, Sinaí urcu jahuaman uriyamunga.

ÉXODO 19:15

Moisesca israelcunataca: –Caimanta quimsa punllapajca allichirishca canguichij. Huarmicunapipish ama chayaringuichijchu– nishpami mandarca.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

OSEAS 6:2

Ishqui punlla q'uipaca causaita cungami. Quimsa punllapica jatarichingami. Paipaj ñaupajpimi causashun.

LEVÍTICO 14:7

Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 7:17

Mandaj Diosman cushca animalpaj aicha quimsa punllacama, mana tucurijpica rupachichunlla.

NÚMEROS 31:19

Cancunapuramanta maijanpish shuj runata huañuchishca cashpa, huañushcapi tuparishca cashpaca carpa huasicunamanta canllaman canchis punllacunata saquirichun. Cancunapish, cancuna prezu apamushcacunapish, quimsa punlla tucujpipish, canchis punlla tucujpipish maillarishpa mapa illajlla tucuichij.

Hechos 15:9

Jesusta crishcallamanta paicunapaj juchacunata perdonashpami ñucanchijtapish paicunatapish chai shinallataj Quishpichij cashcata Taita Diosca ricuchirca.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.