NÚMEROS 19:11 - Dios Rimashca Shimicunami

¹¹ Huañushcapi maijanpish tuparijca, canchis punllacamami mapa canga.

NÚMEROS 19:11 Iomraidhean Croise

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

LAMENTACIONES 4:14

Callecunapica, ñahui mana ricujcuna shinami purircacuna. Yahuarhuanmi c'ahuirircacuna. Chaimantami paicunapaj churanacunapish, maita mana tuparipaj carca.

EZEQUIEL 39:12

Israel llajtata p'ichangapajmi, chai huañushcacunataca israelcunaca canchis quillata pambangacuna.

EZEQUIEL 44:26

Mapayashcamanta armashpa mapa illaj tucushcamantaca, canchis punllata shuyachun.

LEVÍTICO 11:31

Huijsahuan llucashpa purij animalcunataca, tucui chai animalcunatami mapa cashcata yuyana canguichij. Maijanpish chai animalcuna huañushcapi tuparijcunaca, tutayangacama mapami saquiringa.

LEVÍTICO 21:1

Mandaj Diosca Moisestaca: “Aaronpaj churi curacunataca cashna nishpa mandai: Cancunapurapi maijanpish huañujpi chai huañushcapi tuparishpa ama mapayachun.

LEVÍTICO 21:11

Maijan huañushca siricuj ucumanpish ama yaicuchun. Paipaj yayamanta cashpa, paipaj mamamanta cashpapish mana mapayanachu can.

LEVÍTICO 22:4

Aaronpaj huahua huahuacunamanta maijanpish lepra ungüihuan cashpa, mana cashpaca quiya shina yacu cachariricuj cashpaca, ima mapa illajlla tucungacama Diospajlla ch'icanchishcacunataca ama micuchun. Maijanpish ima huañushcapi tuparishca cashpa, mana cashpaca yuraj yacu cachariricuj cashpa,

LEVÍTICO 5:2

Imapish mapacunapi tuparijca charina animal huañushcapi cashpa, mana charina animal huañushcapi cashpa, huijsahuan llucashpa purij animal huañushcapi cashpa tuparijca, tuparishcata mana yachashca cashpapish mapa tucushcamanta juchallishcami tucunga.

HAGEO 2:13

Shina nijpipish Hageoca cashna tapurcarajmi: “Maijanpish huañushca aichapi tuparishpaca mapami tucun. Chashna tucushca jahua, Diospajlla caj chai micunacunapi tuparingachari. Pai tuparishca micunaca ¿mapachu saquirinman?” nishpa tapujpica, chai curacunaca: “Ari, mapatajmari saquirinman” nircacunami.

NÚMEROS 19:16

Huasicuna mana tiyanpi espadahuan huañuchishcapi, huañuna pajtajpi huañushcapi, huañushcapaj tullupi, huañushcata pambashcapi maijan cashpapish tuparijca canchis punllacama mapami canga.

NÚMEROS 31:19

Cancunapuramanta maijanpish shuj runata huañuchishca cashpa, huañushcapi tuparishca cashpaca carpa huasicunamanta canllaman canchis punllacunata saquirichun. Cancunapish, cancuna prezu apamushcacunapish, quimsa punlla tucujpipish, canchis punlla tucujpipish maillarishpa mapa illajlla tucuichij.

NÚMEROS 5:2

“Israelcunataca: Leprahuan cajcunatapish, yuraj yacu cacharirishpa ungushcacunatapish, huañushcapi tuparishcamanta mapayashcacunatapish cancuna causacun carpa huasicunamanta caruman churachun mandai.

NÚMEROS 6:6

Mandaj Diospajta rurangapaj ch'icanyarishca punllacunapica, huañushcapajmanca ama c'uchuyachun.

NÚMEROS 9:10

Israelcunata mandashpa cashna ni: Cancuna cashpapish, mana cashpaca cancunapaj huahua huahuacuna cashpapish huañushcapi tuparishcamanta mapa cashpa, mana cashpaca caruman rishcamanta chai punllapitaj Pascua micuita mana rurashca cashpaca, Mandaj Diosta yuyarishpa Pascua micuitaca ruranatajmi can.

NÚMEROS 9:6

Chaipica huaquincunami huañushcapi tuparishcacuna chaipi carca. Paicunaca chai punllapica Pascua micuita mana micui tucurcacunachu. Chaimi Moisespaj, Aaronpaj ñaupajman chai punllallataj shamushpa,

Hechos 21:26

Chai cayandij punllaca Pabloca chai runacunata pushashpami maillarigrirca. Paicunandij ña maillarishpaca, maillarina punllacuna ima punlla tucurina cashcata, chai runacunamanta Taita Diosman cuna cashcata ima punlla cuna cashcatapish curacunaman huillangapajmi Taita Diospaj huasiman yaicurcacuna.

Hechos 21:27

Ña canchis punllacuna pajtamucujpimi, Asiamanta maijan judiocunaca Taita Diospaj huasipi Pablota ricurcacuna. Chaita ricushpaca, tucuicunaman huillashpami Pablotaca huaicashpa japishpaca,

Romanos 5:12

Shuj runallamantami juchaca, cai pachamanca yaicurca. Chai juchamantami huañuipish yaicurca. Chashnami tucuicuna juchallishcamantaca, huañuica tucui runacunaman shamurca.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.