NÚMEROS 19:10 - Dios Rimashca Shimicunami

¹⁰ Vacata rupachishca ushpata pallajpish paipaj churanacunata tajshachun. Paica tutayangacama maparajmi canga. Cai mandashcaca israelcuna cashpapish, paicunahuan causacuj mana israelcuna cashpapish chashnataj pajtachicuchunlla mandashcami.

NÚMEROS 19:10 Iomraidhean Croise

ÉXODO 12:49

Chai mandashcallatajmi israelcunatapish, cancunapurapi causacuj mana israelcunatapish mandanga” nircami.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 14:46

Chai huasita cura huichcachishca punllacunapi, maijanpish chai huasiman yaicujca tutayangacama mapami canga.

LEVÍTICO 16:28

Chaicunata rupachijca paipaj churanacunata tajshashpa, paipish yacuhuan armachun. Chai q'uipaca paicuna causacushca carpa huasicunaman tigrachunlla.

NÚMEROS 19:19

Mapa illajlla runaca mapayashca runataca mapayashcamanta quimsa punlla tucujpipish, canchis punlla tucujpipish mapa illajllata rurana yacuhuan tsirapachun. Mapayashca runaca canchis punllapi ña mapa illajlla tucushpaca paipaj churanacunatapish tajshachun, paipaj cuerpotapish armachun. Paica tutayaitami mapa illajlla canga.

NÚMEROS 19:21

Chai mandashcaca huahua huahua ruracuchunlla mandashcami. Mapa illajllata rurana yacuhuan tsirapaj runapish paipaj churanacunata tajshachun. Mapa illajllata rurana yacupi maijanpish tuparijca, tutayangacama mapami canga.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.