NÚMEROS 18:9 - Dios Rimashca Shimicunami

⁹ Diospajlla ch'icanchishpa cushcacunata Diosman cushpa rupachijpi saquirishcacunataca: Diosman cushca granocunapish, juchamanta cushcacunapish, rurangui nishcata mana rurashpa juchallishcamanta cushcacunapish ñucapajlla ch'icanchishcami. Chaicunataca canmanpish, cambaj churicunamanpishmi cuni.

NÚMEROS 18:9 Iomraidhean Croise

2 REYES 12:17

Chai punllacunallatajmi, Siria llajtata jatun mandaj Hazaelca Gatpi causajcunahuan macanacungapaj huichiyashpa macanacushpa chai pueblota japirca. Hazaelca Jerusalenpi causajcunahuan macanacungapaj huichiyanatapishmi yuyarca.

NEHEMÍAS 10:36

Ñucanchijca ñucanchij Diospaj mandashcapi nishca shinami ñucanchij punta churicunatapish, ñucanchij vacacuna punta huachashcatapish, ñucanchij ovejacuna punta huachashcatapish ñucanchij Taita Diospaj huasipi curacuna imalla rurana cashcata rurachun apamushun nircanchij.

EZEQUIEL 42:13

Ñucataca cashnami nirca: “Diospaj huasi c'uchupi tiyaj corredor ñaupajpi caj janaj ladomanpish, ura ladomanpish rurashca huasicunaca curacunapajllami canga. Chai huasicunapimi, Mandaj Diosman imalla cuna cashcata cushcacunataca curacuna micungacuna. Chai huasi ucupimi, Diosman imalla cuna cashcata cushcacunatapish, juchamanta imallata cushcatapish, Diosman animalta cushpa huañuchishcatapish huaquichinga. Chai ucucunami Diospajlla canga.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

LEVÍTICO 10:17

–Juchamanta cushca chivotaca ¿ima nishpataj Diospajlla ch'icanchishcapi mana micurcanguichij? Chaica tucuimanta yalli Diospajlla ch'icanchishcami. Tucui israelcunapaj juchata anchuchingapajmi, chai cushcacunataca cancunapaj cachun curca. Paicunaca Mandaj Diospaj ñaupajpi paihuan alli tucushca cachunmi chaipi micuna carcanguichij.

LEVÍTICO 14:13

Chai ovejataca juchamanta cushca animaltapish, tucuita cushpa tucui rupachingapaj cushca animaltapish huañuchinallapitaj Diospajlla ch'icanchishcapi huañuchichun. Juchamanta cushca animalpish, manapish rurasha nishcata rurashcamanta cushca animalpish Diospajlla ch'icanchishca cashcamanta chai cura japinapajmi.

LEVÍTICO 2:10

Mandaj Diosman cushcacunaca Diospajlla ch'icanchishcami. Chaimanta Mandaj Diosman cushpa rupachicujpi puchushcacunaca Aronpaj, paipaj churicunapajmi canga.

LEVÍTICO 22:11

Ashtahuanpish Diospajlla ch'icanchishcacunataca curapajtaj ruraj cashpapish cullquihuan randishca cajllami micui tucun. Shinallataj curapaj huasipi huacharishca cajcunallami, paipaj micunamantaca micui tucun.

LEVÍTICO 22:7

Ña inti huashicushca q'uipami, paica ima mapa illajlla saquiringa. Chai q'uipami Diospajlla ch'icanchishcacunataca paipaj micuna cashcamanta micui tucunga.

LEVÍTICO 4:22

Israelcunata maijan pushajpish paita Mandaj Dios tucui mandashcacunamanta shuj mandashcata mana yuyarishcamanta mana cazushpapish juchayujmi tucun.

LEVÍTICO 4:27

Maijanpish israelcunapuramanta Mandaj Dios tucui mandashcacunamanta maijan shuj mandashcata mana yuyarishcamanta mana cazushpa rurashpaca juchayujmi tucun.

LEVÍTICO 5:1

“Maijanpish imata ricushca cajpi, uyashca cajpi tapujpi mana huillashpaca juchallisha nishpataj juchallishcami tucunga.

LEVÍTICO 5:6

Chai juchallishcamanta cuna cashcata Diosman cungapajca, paipaj canlla animalcunamanta shuj huarmi ovejata cashpa, shuj malta chivata cashpa apamuchun. Chai juchamantaca cura Mandaj Diosman cuchun.

LEVÍTICO 6:17

Chaitaca levadurahuanca ama cusachun. Ñucaman rupachishpa cushcacunataca curacuna japina cashcamanta curacunaman cushcami. Chaicunaca ñucapajlla ch'icanchishcami. Juchamanta cushpa rupachishcapish pandarishpalla juchallishcamanta cushpa rupachishcapish chai shinallatajmi.

LEVÍTICO 6:19

Mandaj Diosca Moisestaca cashnami nirca:

LEVÍTICO 6:30

Juchamanta cushca animalpaj aichataca Diospaj huasipi caj Diospajlla ch'icanchishca ucuman yahuarta apashca cajpica, ima animal aicha cajpipish chai aichataca ama micuchun. Chaitaca tucuita ninapi rupachichunlla.

LEVÍTICO 7:1

Shinallataj, rurangui nishcata mana rurashpa juchallishcamanta Diosman rupachishpa cushcacunaca Diospajlla ch'icanchishcami. Chaimanta mandashcacunaca caimi:

LEVÍTICO 7:6

Aichataca curacunalla micuchun. Diospajlla ch'icanchishca cashcamantaca, Diospajlla ch'icanchishcapi micuchun.

LEVÍTICO 7:7

Ama rurangui nishcata rurashpa juchallishcamanta cushcapish, rurangui nishcata mana rurashpa juchallishcamanta cushcapish chai shinallatajmi. Chaimanta ima shina cunapajca ishquindijpajtaj chai shinallataj mandashcami. Chai aichaca juchamanta Diosman cushpa rupachij cura japinapajmi canga.

NÚMEROS 18:10

Diospajlla ch'icanchishca cashcamanta chaicunataca Diospajlla huasipi micungui. Tucui chaipi cajcunapish micuchuncuna.

DEUTERONOMIO 18:1

Cura cashpapish mana cura cashpapish Levi ailluca tucuicuna israelpica ima japinatapish, allpatapish mana charinchu. Paicunaca Mandaj Diosman cushpa rupachishcacunata paiman cushcacunallatami micungacuna.