NÚMEROS 18:7 - Dios Rimashca Shimicunami

⁷ Ashtahuanpish curacuna imalla rurana cashcata rurashpa Mandaj Diospajta ruranataca altarpipish, linsohuan jarcachishca ucupipish canhuan, cambaj churicunallahuanmi rurana canguichij. Curacuna imalla rurana cashcata ruranataca ñucami curcani. Manapish cura caj chaiman c'uchuyashpaca huañungami” nircami.

NÚMEROS 18:7 Iomraidhean Croise

SALMOS 115:10

Aaronpaj huahuacunapish, Mandaj Diospi shunguta churaichij. Paica cancunata ayudajmi. Paica cancunapaj escudomi.

ÉXODO 28:1

Cambaj huauqui Aarontaca paipaj churicuna Nadab, Abiú, Eleazar, Itamarndij cambaj ñaupajman cayai. Tucui israelcunamantaca paicunami ñucapaj curacuna canga.

ÉXODO 29:9

Aarontapish, paipaj churicunatapish chumbillinahuan chumbillichingui. Tiaracunatapish huatangui. Aarontapish, paipaj churicunatapish ñucapajlla cachun chashna ch'icanchingui. Curacuna canaca huiñai huiñaita paicunapajllami saquiringa.

EZEQUIEL 44:15

Ashtahuanpish Sadocpaj huahua huahua levita curacunaca, israelcuna ñucamanta anchurijpipish, ñucapajlla huasipi imallata rurachun mandashcacunataca rurashpa catircacunallami. Chaimantami ñucapaj imatapish ruranaman c'uchuyangacuna. Paicunami ñucaman cushca huiratapish, yahuartapish cungapaj c'uchuyangacuna. Mandaj Jatun Dios ñucatajmi chashna nini.

EZEQUIEL 44:16

Paicunami ñucapajlla huasiman yaicushpa ñucaman cushcacunataca rupachingacuna, ñuca mandashcacunatapishmi pajtachingacuna.

EZEQUIEL 44:8

Shinallataj imalla ñucapajlla cashcacunatapish, manamari ñucapajlla cashcataca yuyashpa huaquichircanguichijchu. Ashtahuanpish ñucapajlla huasipi ñuca mandashcacunata pajtachichunca shujtaj runacunatamari churarcanguichij ninmi ni” nircami.

LEVÍTICO 16:2

Mandaj Diosca Moisestaca: “Cambaj huauqui Aaronman cashna huillai: Ama huañungapajca linsohuan jarcachishpa ñucapajlla ch'icanchishca ucuman, arca jahuapi caj propiciatorio ñaupajmanca ima punllapish ama yaicunguichu. Ñucami chai propiciatorio jahuapi p'uyu chaupipi ricurisha.

LEVÍTICO 7:35

Mandaj Diosman cushpa rupachingapaj cushcacunaca Aaronpajpish, paipaj churicunapajpish japina cashcata japinami canga. Chaitaca Mandaj Diosllataj paipajta ruraj curacuna cachun ch'icanchishpa churai punllamantami paicuna japijcuna carca.

NÚMEROS 1:51

Diospaj carpa huasita shujtajman apana tucujpica, levitacuna pascashpa apachun. Diospaj carpa huasita ña maipi shayachina tucujpica, paicuna shayachichun. Manapish levita caj c'uchuyashpaca huañungami.

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 18:20

Mandaj Diosca Aarontaca cashnami nirca: “Canca israelpurapica caishuj israelcuna shina quiquin allpa cachun japina allpataca mana japinguichu. Can japina cashca allpa shinaca israelcunapaj chaupipi caj ñucami cani.

NÚMEROS 18:3

Levitacunaca can mandashcallata rurachuncuna. Diospaj carpa huasitapish tucuita cuidachun. Shina cashpapish Diospajta ruranapaj caj imalla charinacunaman, altarmanpish ama c'uchuyachun. Cancunapish, paicunapish ama huañungapajmi chashna rurana canguichij.

NÚMEROS 3:10

Curacuna rurana cashcata rurachunca, Aaronta, paipaj churicunallata churangui. Pi shujtaj chaita ruranaman c'uchuyashpaca huañungami” nircami.

NÚMEROS 3:38

Diospajlla huasi ñaupaj ladoman, Dioshuan tupanacuna carpa huasi ñaupaj lado, inti llujshin ladomanca Moisés, Aarón, Aaronpaj huahua huahuacunami paicunapaj carpa huasicunata shayachishpa tiyarijcuna carca. Paicunaca Diospajlla huasitami israelcunapaj randi chaipi cuidajcuna carca. Shujtajcuna chaiman yaicushpaca, huañunami carca.

Mateo 10:8

Ungushcacunata, alliyachichij, leprahuan cajcunata chuyayachichij, huañushcacunata causachichij, supai japishcacunamantapish supaicunata llujshichichij. Chaicunataca cancunaca Taita Dios c'uyashpa cushcallatami chasquircanguichij. Cancunapish c'uyashcallamanta alliyachinguichijlla.

Juan 3:27

Chaimi Juanca cashna nirca: –Jahua pachamanta mana cushca cajpica, runaca imata mana chasqui tucunchu.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

DEUTERONOMIO 18:2

Paicunapaj huauquicunapurapica, ima japinata mana charingacunachu. Mandaj Dios nishca shinallataj paicunapaj japinaca Mandaj Diosmi.

Hebreos 5:4

Maijanpish paipaj munaimantaca curacunata jatun pushaj curaca mana cai tucunchu. Ashtahuanpish Diosmari Aaronta shinallataj agllashpa churan.

JOSUÉ 18:7

Levipaj huahua huahuacunaca, cancunapurapica allpacunataca ashallatapish mana japingacunachu. Paicunaca Mandaj Diospajlla cura canatami japingacuna. Rubenpaj, Gadpaj aillucunapish, Manasespaj chaupi aillupish Jordán yacumanta inti llujshin ladoman caj llajtacunatami ña japircacuna. Paicunamanca Taita Diospajta ruraj Moisesmi curca” nircami.

1 Pedro 5:2

Dios cancunaman mingashca canlla ovejacunataca alli michichij, ama cuidachun nishcallamanta cuidaichijchu. Ashtahuanpish Dios munashca shina cuidanata munashcamanta cuidaichij. Cullquita japinga raicullaca ama ruraichijchu. Ashtahuanpish ama q'uillashpalla ruraichij.

1 Pedro 5:3

Cancuna cuidacushcacunataca, ama quiquin munaita rurashpa mandanguichijchu. Ashtahuanpish canlla ovejacuna ricushpa catinallata ruranguichij.

1 SAMUEL 2:28

Ñucaca tucui Israel aillucunapurapica cambaj aillupi cajcuna ñucapajllata ruraj cura cachunmi agllarcani. Ñuca altar jahuapi ñucaman cushcata rupachichun, inciensota rupachichun, ñuca ñaupajpi efodta churashca cachunpishmi agllarcani. Tucui israelcuna cushcacunataca cambaj aillupaj cachunmi curcani.