NÚMEROS 18:6 - Dios Rimashca Shimicunami

⁶ Cancunapaj huauqui levitacunataca israelcunapuramanta ch'icanchishpami japircani. Paicunataca Mandaj Dios cancunaman cushca cachunmi cancunaman curcani. Paicunaca Dioshuan tupanacuna carpa huasipimi Diospajta rurangacuna.

NÚMEROS 18:6 Iomraidhean Croise

GÉNESIS 6:17

Ñucaca cai pachapi causaiyuj caj tucuicunata chingachingapajca cai pachamanca yacu juillutami cachagrini. Cai pachapi tucui ima tiyajcunami huañunga.

GÉNESIS 9:9

Ñucaca cancunahuanpish, cancunapaj q'uipa huahua huahuacunahuanpish, shuj ruranatami chashnataj cachun ari nini.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 31:6

Paita ayudachunca Dan aillupuramanta Ahisamacpaj churi Aholiabtami paihuan churarcani. Tucui ñuca imalla nishcatataj rurachunca yachaisapa cashcamanta chaitataj ruranaihuan caj shunguyujcunamanca tucuicunamanmi ashtahuan yachaita curcani.

ISAÍAS 48:15

Ñucami paitaca rimashpa cayashpa pushamurcani. Chaimanta pai rurana cashcataca ashtahuanmi rurashpa catinga.

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

EZEQUIEL 34:11

Mandaj Jatun Diosca cashnapishmi nin: Ñucallatajmi ñuca ovejacunataca mashcashpa rijsigrisha.

EZEQUIEL 34:20

Chaimantami Mandaj Jatun Diosca cashna nini: Riquichij, ñucami huirayashca ovejamanpish, irqui ovejamanpish imalla rurashcata ricuchisha.

NÚMEROS 3:12

“Israelcunapurapi paicunapaj tucui punta churicunaca ñucapajmi. Tucui israelcunapaj punta churicunata ñuca japinapaj randica, tucui levitacunatami ñucapaj cachun japircani.

NÚMEROS 3:13

Punta huacharishcacunaca tucuicunami ñucapaj. Egiptocunapaj punta churicunata huañuchi punllamanta pachami, israelcunapaj punta churicunataca ñucapaj cachun ch'icanchircani. Israelpica punta huacharishca churicunapish, punta huacharishca animalcunapish ñucapajmi. Mandaj Dios ñucami chashna nini” nircami.

NÚMEROS 3:45

“Israelcunapaj punta churicunapaj randica, levitacunata ñucapaj cachun japingui. Israelcunapaj animalcunapaj randipish, levitacunapaj animalcunata ñucapaj cachun japingui. Levitacunaca tucuicunami ñucapaj canga. Mandaj Dios ñucami chashna nini.

NÚMEROS 3:6

“Leví aillutaca, Aarón imallata rurachun nishcata rurachun, paipaj ñaupajman pushamui.

NÚMEROS 3:9

Levitacunaca israelcunapuramanta ch'icanchishca cashcamanta Aaronpish, paipaj churicunapish imallata rurachun nishcata rurachun churangui.