NÚMEROS 18:30 - Dios Rimashca Shimicunami

³⁰ “Levitacunataca cashnapish ni: Cushcacunamanta japishcacunataca ashtahuan allicunata Mandaj Diospajlla ch'icanchijpica, chai saquirishcacunaca quiquin allpamanta trigo, quiquin allpamanta uva shinallatajmi tucun.

NÚMEROS 18:30 Iomraidhean Croise

GÉNESIS 43:11

Chaimi paipaj yaya Israelca: –Shina cajpica, chashna ruraichijlla. Chai mandajman convidangapajca, cai llajtapi tiyaj tucuimanta yalli asha balsamota, sacha chuspi huachashca asha mishquita, mishquijllata ashnaj asha jambicunata, mirrata, nuecesta, almendratapish asha ashata cancunapaj costalcunapi churashpa apaichij.

GÉNESIS 50:10

Jordán yacumanta inti llujshin ladoman caj Atad nishca trillana pambaman chayashpaca, llaquijllatami jatunta huacarcacuna. Chaipimi Joseca paipaj yayamantaca canchis punllacunata llaquilla carca.

ÉXODO 29:27

Aarontapish, paipaj churicunatapish Mandaj Diospajlla cachun ch'icanyachingapaj cushca carneropaj pecho aichata caiman chaiman cuyuchishpa cushcatapish, Mandaj Diosman ricuchishpa cushca changa aichatapish paicunapaj cachun cungui.

MALAQUÍAS 1:8

Shinallataj ñahui mana ricuj animalta ñucaman cushcapish, cancunapajca ¿allichu imatagari? Shinallataj patojota cashpa, ungushcata cashpa ñucaman cushcapish cancunapajca ¿allichu imatagari? Alli cajpica cancunata mandajman chashna animalcunata cugrichigari. Paipish cancuna cushca mana alli animalcunataca cushicushpa chasquinllachu imami, tucuita Mandaj Diostajmi chashna nini.

NÚMEROS 18:29

Cuj cashcamanta tucui imallata cushcacunata chasquishcacunamantaca, Mandaj Diosman cungapaj ch'icanchichun. Chaicunataca tucuimanta ashtahuan yalli allicunata ñucapaj ch'icanchishpa cuchun mandai” nircami.

NÚMEROS 18:31

Chaicunataca Dioshuan tupanacuna carpa huasipi cancuna imalla rurana cashcata rurashcamanta japina cashcamanta japishpa cancunapish, cancunapaj familiacunapish maipi cashpapish micunguichijlla.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

DEUTERONOMIO 6:5

Mandaj Dios cambaj Taita Diostaca tucui shunguhuan, tucui almahuan, tucui fuerzahuan c'uyangui.