NÚMEROS 18:26 - Dios Rimashca Shimicunami

²⁶ “Levitacunataca cashna nishpa mandai: Israelcuna chungamanta shujta cushcacunaca cancuna japina allpapaj randi ñuca cancunaman cushcami. Chungamanta shujta paicuna cushcacunata japishpaca chai japishcallamantatajmi cancunapish chungamanta shujta Mandaj Diosman huichi ricuchishpa cuyuchishpa cuna canguichij.

NÚMEROS 18:26 Iomraidhean Croise

NEHEMÍAS 10:38

Chungamanta shujta cushcata levitacuna japicujpica, Aaronpaj huahua huahuacunapuramanta shuj curami chaipi paicunahuan canga. Chungamanta shujta cushcata japishpaca levitacunapish chai japishcamanta chungamanta shujta ch'icanchishpami ñucanchij Diospaj huasi ucupi caj achca valijcunata huaquichina ucuman apangacuna.

NEHEMÍAS 10:39

Israelcuna, levitacunami granota, vinota, aceitetaca Diospajlla cajcunata huaquichina ucuman apangacuna. Diospajta ruraj curacunapish, pungupi cuidajcunapish, cantajcunapish, paicuna imata rurana horaspica chaipimi cangacuna. Chashna rurashpami ñucanchij Diospaj huasitaca mana shitashcata saquishun ninacurcanchij.

NÚMEROS 15:21

Tandata rurangapaj masashpaca, Mandaj Diosmanraj cunguichij. Chaitaca cancunapaj huahua huahuacunapish chai shinallataj ruracuchunlla.

NÚMEROS 18:21

Levipaj huahua huahuacunamanca, Dioshuan tupanacuna carpa huasipi Diospajta imalla rurana cashcata rurashcamanta japina cashcataca israelcuna chungamanta shujta cushcacunatami cuni.

NÚMEROS 18:25

Mandaj Diosca Moisestaca cashnami nirca:

NÚMEROS 18:27

Chaicunata cancuna cushcaca quiquin allpamanta trigota trillashpa cushca shinallataj, quiquin uvata capishpa vinota cushca shinallatajmi canga.

Hebreos 7:5

Levipaj huahua huahuacunaca Mandashcapi nishca shinaca cura canatapish paicunallami chasquincuna. Chungamanta shujtapish tucuicunamantami japinata charincuna. Abrahampaj huahuacuna cajpipish tucuicunapajtami chungamanta shujta japincuna.