NÚMEROS 18:21 - Dios Rimashca Shimicunami

²¹ Levipaj huahua huahuacunamanca, Dioshuan tupanacuna carpa huasipi Diospajta imalla rurana cashcata rurashcamanta japina cashcataca israelcuna chungamanta shujta cushcacunatami cuni.

NÚMEROS 18:21 Iomraidhean Croise

GÉNESIS 14:20

Canta p'iñajcunata cambaj maquipi churaj Taita Diostaca alli nishca cachun” nirca. Abramca macanacuipi imallata quichumushcataca, cada chungamanta shujtami Melquisedecman curca.

GÉNESIS 47:24

Chai p'ucushca granocunamanta chunga costalmanta ishquitaca faraonman cunguichij. Shinallataj cancuna tarpunapajpish, cancunapaj huahuacunapajpish, cancunapaj huasipi cajcunapajpish micungapajca, chunga costalmantaca pusajta japinguichij– nircami.

GÉNESIS 47:26

Joseca granocuna p'ucushcataca chunga costalmanta ishquitaca faraonman cunami nishca mandashcatami tucui Egipto llajtapi chashna churarca. Chai mandashcaca cunan punllacamami chashnallataj. Curacunapaj allpacunallami faraonpaj mana tucurca.

2 CRÓNICAS 31:12

Chai ucucunapimi, chungamanta shujta cushca granocunatapish, Diospajlla ch'icanchishpa cushcacunatapish imata mana huashanchishpa tucuita huaquichircacuna. Chaipi tucuita ricuchunca, Conanías shuti levitatami churarcacuna. Paipaj q'uipa ricuj cachunca, paipaj huauqui Simeitami churarcacuna.

NEHEMÍAS 10:29

Chaipica israelcunaca paicunata pushajcunandij tandanacushpami, Mandaj Dios paipajta ruraj Moisesman cushca mandashcacunapi nishca shina Diospaj mandashcapi puringapaj ari ningapaj tandanacurcacuna. Mandaj ñucanchij jatun Diospaj mandashcacunata, pajtachinguitaj nishcacunata, chaitataj pajtachichun nishcacunata cazushunmi pajtachishunmi ningapajmi chashna tandanacurcacuna.

NEHEMÍAS 10:37

Ñucanchij Diospaj huasi ucupi caj huaquichinacunamanpish curacunapajmi, tandata ruracun masamanta punta rurashca tandata, ñucanchij yuracunapi punta p'ucushca granota, punta rurashca vinota, punta rurashca aceiteta apamushun nircanchij. Levitacunapajca ñucanchij allpacunapi p'ucushca granocunamanta chungamanta shujta cushcata japina cajpimi, tucui pueblocunapi japichun nircanchij.

NEHEMÍAS 10:38

Chungamanta shujta cushcata levitacuna japicujpica, Aaronpaj huahua huahuacunapuramanta shuj curami chaipi paicunahuan canga. Chungamanta shujta cushcata japishpaca levitacunapish chai japishcamanta chungamanta shujta ch'icanchishpami ñucanchij Diospaj huasi ucupi caj achca valijcunata huaquichina ucuman apangacuna.

NEHEMÍAS 12:44

Chai punllallapitajmi, Judá llajtapi causajcunaca Diospajta ruraj curacunahuanpish, levitacunahuanpish jatunta cushicurcacuna. Shinallataj paicunapaj micuna tiyachunca, pueblocuna muyundij chagracunapi punta p'ucushca granocunata, chungamanta shujta cushcacunatapish, cullquitapish Dios mandashca shinallataj Diospaj huasipi caj huaquichina ucucunaman apamurcacuna. Shinallataj chai cushcacunata huaquichichunpish maijancunatami agllarcacuna. Curacunapajpish, levitacunapajpish micunaca pajtami tiyarca.

NEHEMÍAS 12:47

Zorobabelpaj punllacunapi, Nehemiaspaj punllacunapica tucui israelcunami cantajcunapajpish pungupi cuidajcunapajpish punllanta paicunapaj micunapaj apamujcuna carca. Levitacunapajpish chashnallatajmi apamujcuna carca. Chaitami levitacunapish Aaronpaj huahua huahuacunaman cutin paicunapish paicunapaj cuna cashcata cujcuna carca.

NEHEMÍAS 13:12

Chaimi Judacunaca granota, vinota, aceiteta chungamanta shujta cungapaj huaquichina huasi ucuman apamurcacuna.

NEHEMÍAS 13:5

Chashna cashpami Diospaj huasi canllapi caj ucutaca Tobías causanata rurashca carca. Chai ucupica levitacunaman, cantajcunaman, pungupi cuidajcunaman, curacunaman paicunaman cuna cashcata cushcacunata, inciensota, Diospaj huasipi imalla ruranacunata, chungamanta shujta cushca granocunata, vinota, aceitetami ñaupamanca huaquichijcuna carca.

MALAQUÍAS 2:4

Levitacunahuan ñuca ari ninacushcata pajtachingapaj chashna mandashcataca, ñuca cushcatami yachanguichij. Tucuita Mandaj Diostajmi chashna nini.

MALAQUÍAS 3:10

Chungamanta shujta ñucaman cuna cashcataca tucuita ñuca huasiman apamuichij. Cancuna apamujpimi, ñuca huasipica micuna tiyanga. Cancuna chashna cujpica, ñucapish manachu jahua pacha ventanacunata pascashpa, tucui imatapish Cancuna mana huaquichi tucuipajta cuni imamí ricuichigari. Tucuita Mandaj Diostajmi chashna nini.

NÚMEROS 18:6

Cancunapaj huauqui levitacunataca israelcunapuramanta ch'icanchishpami japircani. Paicunataca Mandaj Dios cancunaman cushca cachunmi cancunaman curcani. Paicunaca Dioshuan tupanacuna carpa huasipimi Diospajta rurangacuna.

NÚMEROS 3:6

“Leví aillutaca, Aarón imallata rurachun nishcata rurachun, paipaj ñaupajman pushamui.

NÚMEROS 31:28

Macanacuiman rijcunaman paicuna japina cashcata cucushpaca: Huarmi huambracunatapish, huagracunatapish, burrocunatapish, ovejacunatapish cada pichca patsajmanta shujta Mandaj Diosman cungapaj ch'icanchinguichij.

Gálatas 6:6

Diospaj Shimita maijanpish yachacujca, paita yachachijman tucui imalla charishcamanta cuchun.

DEUTERONOMIO 18:8

Micunatapish caishujcuna shinallatajmi japinga. Yayapajta imallata japishca jahuami chashna japinga.

Hebreos 7:5

Levipaj huahua huahuacunaca Mandashcapi nishca shinaca cura canatapish paicunallami chasquincuna. Chungamanta shujtapish tucuicunamantami japinata charincuna. Abrahampaj huahuacuna cajpipish tucuicunapajtami chungamanta shujta japincuna.