NÚMEROS 18:2 - Dios Rimashca Shimicunami

² Cambaj huauquicunaca canhuan tandalla Diospajta rurajcuna cachun churangui. Chaipimi cambaj yayamanta Levi ailluca cancuna mandashcata rurangacuna. Chashnami canpish cambaj churicunapish Dios chaipi ricurina carpa huasi ñaupajpi cancuna rurana cashcata ruranguichij.

NÚMEROS 18:2 Iomraidhean Croise

GÉNESIS 29:34

Chai q'uipapish Leaca, cutinllataj chichushpaca shujtaj c'ari huahuatami huacharca. Paitaca: “Cunanca cai huahuahuanca ñamari quimsa churicunata charini. Cunantajca ñuca cusaca ñucapimari ashtahuan chayaringa” nishpami, Levita shutichirca.

2 CRÓNICAS 30:16

Shinallataj Diospajta rurangapajca, Diospajta ruraj Moisés mandashca shinallatajmi huashan huashan yaicuna tucurcacuna. Curacunaca animalcunapaj yahuarta levitacuna cushcata japishpami, altar jahuapi tsiraparcacuna.

EZEQUIEL 44:11

Paicunaca ñuca huasipica pungucunapi cuidashpalla, ñuca huasipi imata rurashpallami causangacuna. Paicunami Diosman cushpa tucuita rupachina animalcunatapish, israelcuna ñucaman cushca animalcunatapish huañuchingacuna. Israelcuna imatapish rurachun nishcatami pajtachingacuna.

EZEQUIEL 44:15

Ashtahuanpish Sadocpaj huahua huahua levita curacunaca, israelcuna ñucamanta anchurijpipish, ñucapajlla huasipi imallata rurachun mandashcacunataca rurashpa catircacunallami. Chaimantami ñucapaj imatapish ruranaman c'uchuyangacuna. Paicunami ñucaman cushca huiratapish, yahuartapish cungapaj c'uchuyangacuna. Mandaj Jatun Dios ñucatajmi chashna nini.

MALAQUÍAS 2:4

Levitacunahuan ñuca ari ninacushcata pajtachingapaj chashna mandashcataca, ñuca cushcatami yachanguichij. Tucuita Mandaj Diostajmi chashna nini.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 18:4

Levitacunaca Dioshuan tupanacuna carpa huasipica paicuna imata rurana cashcallata rurashpa canta ayudachun. Diospajlla carpa huasipica paicuna imallata rurana cashcata tucuita rurachun. Manapish Levita cajca cancunapajmanca ama c'uchuyachun.

NÚMEROS 3:5

Mandaj Dios Moisesta mandashpaca cashnami nirca:

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 8:19

Levitacunata israelcunapuramanta ch'icanchishpaca, Aaronman, paipaj churicunamanmi convidani. Dioshuan tupanacuna carpa huasipi israelcunapaj randi Diospajta rurashpa, Dioshuan alli tucunacuchij cachunpish ñucami churarcani. Diospaj carpa huasiman israelcuna c'uchuyashpapish ama llaqui tucuchunmi chashna rurarcani” nircami.

NÚMEROS 8:22

Chai q'uipami levitacunaca, Mandaj Dioshuan tupanacuna carpa huasipi Aaronpish, paipaj churicunapish imallata ruranata mandashca shina rurashpa Mandaj Diospajta rurai callarircacuna. Mandaj Dios Moisesta levitacunata imallata ruranapi churachun mandashca shinallatajmi paicunataca churarca. Chashnami rurarca.

Hebreos 9:6

Diospaj carpa huasi ucuca chashna allichishca cajpimi punta ucuman curacunaca punllanta yaicushpa imalla rurana cashcataca Diospaj rurancuna.