NÚMEROS 18:19 - Dios Rimashca Shimicunami

¹⁹ Israelcuna Mandaj Diospaj ch'icanchishpa paiman cushcacunataca tucui imatapish canman, cambaj churicunaman, cambaj ushushicunamanmi cuni. Chaicunataca cambaj huahua huahuacunapish chai shinallataj japicuchunlla mandashcami. Chaica Mandaj Diospaj ñaupajpica cambajpish, cambaj huahua huahuacunapajpish huiñaipaj Dioshuan ari nishcata ricuchij cachi shinami canga” nircami.

NÚMEROS 18:19 Iomraidhean Croise

2 REYES 12:16

Juchamanta cushca cullquitapish, ima pandata rurashcamanta cushca cullquitapish, Mandaj Diospaj huasipajca mana apajcunachu carca. Chai cullquica curacunapajllami carca.

2 CRÓNICAS 13:5

Mandaj Taita Diosca Davidmanpish, paipaj huahua huahuacunamanpishmi israelcunata mandanataca mana shujtajyachipajta ari ninacushca carca. Chaitaca tucui cancunallataj allimi yachanguichij.

2 CRÓNICAS 31:4

Shinallataj curacuna, levitacuna Mandaj Dios mandashcata pajtachinamanta ama saquichunca, Judá llajtapi causajcunatami paicunaman cuna cashcata cuchun mandarca.

ÉXODO 29:27

Aarontapish, paipaj churicunatapish Mandaj Diospajlla cachun ch'icanyachingapaj cushca carneropaj pecho aichata caiman chaiman cuyuchishpa cushcatapish, Mandaj Diosman ricuchishpa cushca changa aichatapish paicunapaj cachun cungui.

EZEQUIEL 43:24

Chaicunataca Mandaj Dios ñucamanmi cuna cangui. Curacunami chai aicha jahuapi cachita churashpa, ñucaman cushpa tucuita rupachingacuna.

LEVÍTICO 2:13

Tucui imata Diosman cushpaca cachihuan allichishpataj cunguichij. Taita Diosman imata cucushpaca, cambaj Taita Dios cancunahuan ari ninacushcata ricuchij cachitaca amataj illachinguichijchu. Taita Diosman imata cucushpaca cachihuantaj cunguichij.

LEVÍTICO 21:22

Chashna cashpapish Diospajlla ch'icanchishpa Diosman cushca tandata, ima shujtajcunatapish Diosman cushcacunataca micuchunlla.

LEVÍTICO 7:14

Chai tucui cushcacunamantaca asha ashata japishpa, Mandaj Diospaj ch'icanchichun. Chaitaca sumaj causaimanta cushca animalpaj yahuarta tsirapaj cura japichun.

NÚMEROS 18:11

Caicunapishmi cambaj canga: Cuj cashcamanta cushcacunata huichi ricuchishpa cushcacunataca canman, cambaj churicunaman, cambaj ushushicunamanmi cuni. Chaicunataca cambaj huahua huahuacunapish chai shinallataj japicuchunlla mandashcami. Chaicunataca cambaj huasipi cajcuna cashpapish ima mapa illajcunalla micuchun.

NÚMEROS 18:8

Mandaj Diosca Aarontaca cashnami nirca: “Ñucaman cushca ofrendacunata cuidachunca canmanmi cuni. Diospajlla cachun ch'icanchishpa israelcuna tucui imata cushcacunataca canman, cambaj churicunamanmi Diospajta rurashcamanta japina cashcata japichun cuni. Chaicunataca cambaj huahua huahuacunapish chai shinallataj japicuchunlla mandashcami.

NÚMEROS 31:29

Chai japishcacunataca Mandaj Diosman cushpa, Eleazar curaman cunguichij.

NÚMEROS 31:41

Moisesca Mandaj Dios mandashca shinallatajmi, Mandaj Diosman cungapaj ch'icanchishcacunataca Eleazar curaman curca.

DEUTERONOMIO 12:26

Mandaj Diosman cungapaj ch'icanchishpa, paiman cuna tucushcacunallata Mandaj Dios agllashca pueblomanca apashpa ringuichij.

DEUTERONOMIO 12:6

Diosman tucuita cushpa tucui rupachinata, paiman cushpa rupachinata, chungamanta shujta cunata, maquihuan huichi ricuchishpa cunata, cushatajmi nishcamanta cunata, cuna munaita charishcamanta cunata, punta huacharishca cancunapaj huagracunata, punta huacharishca ovejacunatapish chaimanmi apana canguichij.