NÚMEROS 18:12 - Dios Rimashca Shimicunami

¹² Israelcunapaj chagracunapi punta p'ucushca ashtahuan allicunata Mandaj Diosman cushcacunamantaca aceitetapish, llullu vinotapish, trigotapish canmanmi cuni.

NÚMEROS 18:12 Iomraidhean Croise

GÉNESIS 27:28

Taita Diosca jahua pachamanta garhuata cachachun. Allpaca alli granocunata p'ucuchun. Trigotapish, llullu vinotapish yallitaj achcata cuchun.

2 REYES 4:42

Chaimanca Baal-salisamanta shuj runa shamushpami punta rurashca tandacunataca, cebada ishqui chunga tandata, punta p'ucushca llullu trigo caspacunata Diospaj runaman curca. Chaimi Eliseoca paipajta rurajtaca: –Caicunata gentecunaman carai– nirca.

2 CRÓNICAS 31:5

Pai mandashcata huillajpica, tucui israelcunami paicunapaj chagracunapi punta p'ucushca trigotapish, vinotapish, aceitetapish, sacha chuspi huachashca mishquitapish, chagracunapi p'ucuj shujtaj granocunatapish mana mitsashpa ashtahuan allita curcacuna. Chagracunamanta tandashca tucui granocunatami chungamanta shujta apamushpa achcata tandachijcuna carca.

SALMOS 147:14

Paimi cambaj llajtapica, sumaj causaita cun. Ashtahuan alli trigota huijsa jundata caranga.

SALMOS 81:16

Diosca ashtahuan alli trigotami caranman carca. Peña urcumanta sacha chuspipaj mishquitami mana nijta caranman carca.

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 23:19

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apamunguichij. Malta chivo aichata sumaj micunata ruracushpaca ama paipaj mamapaj lechellapitaj yanunguichu.

ÉXODO 34:26

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apanguichij. Malta chivopaj aichataca paipaj mamapaj lechellapitajca ama yanunguichu” nircami.

EZEQUIEL 44:30

Shinallataj tucui punta p'ucushca granocunapish, tucui imalla cuna cashcata cushcacunapish tucuimi curacunapaj canga. Cancunapaj huasicunapi bendicion tiyachunca, punta p'ucushca granomanta rurashca tucui laya tandatami curacunamanca cuna canguichij.

LEVÍTICO 2:12

Punta p'ucushca granocunata cucushpaca chaicunata churashpa ñucapajman apamui tucunguichijmi. Ashtahuanpish ñucapaj mishquijllata ashnacuj cachun altar jahuapica ama rupachinguichijchu.

LEVÍTICO 2:14

Punta p'ucushca granocunata Mandaj Diosman cucushpaca, grano espigata canchashcata, mana cashpaca llullu granota cutashcata apamunguichij. Chaimi chagrapi punta p'ucushca granota Mandaj Diosman cushcaca canga.

LEVÍTICO 23:17

Mandaj Diosman huichi ricuchishpa cuyuchishpa cungapajca, cancunapaj huasicunamanta ishqui tandacunata apanguichij. Chaicunaca ashtahuan alli cutata shuj efamanta chungapi chaupishca shuj parteta levadurahuan rurashpa cusashca cachun. Chaica cozicha callarinapaj Mandaj Diosman cushcami canga.

LEVÍTICO 23:20

Chai ishqui malta ovejacunataca punta p'ucushca granocunandij, cura huichi ricuchishpa cuyuchishpa Mandaj Diosman cuchun. Chai cushcacunaca Diospajlla ch'icanchishca cashcamanta curapajmi canga.

DEUTERONOMIO 18:3

Shuj huagrata cashpa, ovejata cashpa israelcuna Mandaj Diosman cushcata curacuna japinaca caicunami: Changa aicha, jashlin, puzunmi canga.

DEUTERONOMIO 18:4

Punta p'ucushca trigotapish, punta rurashca vinotapish, punta rurashca aceitetapish, ovejacunata punta rutushca millmatapish cunguichij.

DEUTERONOMIO 26:2

Mandaj Dios cancunapaj Taita Dios cancunaman cushca llajtaman chayashpa cancuna punta tarpushca punta p'ucushca granocunamantaca tucuita ch'icanchishpa shuj canastapi churashpa Mandaj Dios cancunapaj Taita Dios paipaj shuti chaipi cachun agllashca puebloman apanguichij.

DEUTERONOMIO 32:14

Vacapaj mantequillata, ovejacunapaj lechetami cararca. Malta ovejacunapaj huirata, Basán carnerocunapaj, chivocunapaj aichatami cararca. Ashtahuan alli trigotami cararca. Uvapaj yahuarta capishca vinotami ubyarchirca.