NÚMEROS 18:1 - Dios Rimashca Shimicunami

¹ Mandaj Diosca Aarontaca cashnami nirca: “Diospajlla huasipi pilla imata rurana cashcacunalla mana rurashpaca canpish, cambaj churicunapish, tucui levitacunapishmi juchayuj tucunguichij. Curacuna rurana cashca shinataj mana rurashpapish canhuan, cambaj churicunahuanmi juchayuj tucunguichij.

NÚMEROS 18:1 Iomraidhean Croise

ÉXODO 28:38

Chaica Aaronpaj frentepitaj cachun. Israelcuna Diosman cungapaj tandachishpa cushcacunamantaca Aaronmi tucuicunapaj juchacunata anchuchinga.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

EZEQUIEL 4:4

Shinallataj lluqui ladoman siriringui. Israelcunapaj juchataca, canmi apana cangui. Lluqui ladoman mashna punllata dormishpapish, paicunapaj juchatami canca apana cangui.

LEVÍTICO 10:17

–Juchamanta cushca chivotaca ¿ima nishpataj Diospajlla ch'icanchishcapi mana micurcanguichij? Chaica tucuimanta yalli Diospajlla ch'icanchishcami. Tucui israelcunapaj juchata anchuchingapajmi, chai cushcacunataca cancunapaj cachun curca. Paicunaca Mandaj Diospaj ñaupajpi paihuan alli tucushca cachunmi chaipi micuna carcanguichij.

LEVÍTICO 22:16

Diospajlla ch'icanchishcacunata pipish micuchun saquishpaca, paicunataca juchayujtami ruranguichij. Mandaj Dios ñucami cancunata ima jucha illajllata ruraj cani ni” nircami.

LEVÍTICO 22:9

Ñuca mandashcacunata huaquichinguichij. Chai mandashcacunata, yanganchishpaca cancunallataj juchayuj tucushpami chaimantaca huañunguichij. Ñucami cancunata ima jucha illajta ruraj Mandaj Dios cani.

NÚMEROS 14:34

Canaán llajtataca, chuscu chunga punllacunatami ricushpa rijsimurcanguichij. Chai shinallatajmi chuscu chunga punllamantaca chuscu chunga huatata llaquita apanguichij. Cada punllamanta shuj huatatami llaquita apanguichij. Chaipimi ñucata c'ariyajpica, ima shina llaquichij cashcata yachanguichij.

NÚMEROS 16:10

Levipaj aillutaca tucuicunata paipaj c'uchupi rurachun churashca jahuachu ¿cura canatapish munanguichij?

NÚMEROS 17:13

Mandaj Diospaj carpa huasiman maijanpish c'uchuyaj, chaiman maijanpish chayajca huañungallami. Chashna tucushpaca tucuicunamari chingarigrinchij” nircacuna.

NÚMEROS 17:3

Leví aillupaj tauna caspipica, Aaronpaj shutita quillcangui. Israel aillucunata pushajcunaca tucuicuna paicunapaj quiquin tauna caspita charichuncuna.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 18:11

Caicunapishmi cambaj canga: Cuj cashcamanta cushcacunata huichi ricuchishpa cushcacunataca canman, cambaj churicunaman, cambaj ushushicunamanmi cuni. Chaicunataca cambaj huahua huahuacunapish chai shinallataj japicuchunlla mandashcami. Chaicunataca cambaj huasipi cajcuna cashpapish ima mapa illajcunalla micuchun.

NÚMEROS 3:6

“Leví aillutaca, Aarón imallata rurachun nishcata rurachun, paipaj ñaupajman pushamui.

DEUTERONOMIO 10:8

Chai punllacunapimi Mandaj Diosca, Leví aillutaca Mandaj Dioshuan ari ninacushca quillcata huaquichina arcata apaj cachun ch'icanchirca. Paipaj ñaupajpi pai mandashcata rurachun, paipaj shutipi israelcunata alli cashca canguichijman nichunmi ch'icanchirca. Cunan punllacunacamami paicunapaj ruranaca tucui chaicuna.

Hebreos 13:17

Cancunata michijcunata cazuichij. Paicuna mandashcatapish uyaichij. Diosman imalla rurashcata ricuchina cashcamantami, paicunaca cancunapaj almataca ricuracun. Imalla rurana cashcata cushicuihuan ama llaquirishpa rurachunmi chashna cazuna canguichij. Paicuna llaquirishca rurajpica ima allita mana japinguichijchu.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

JUECES 17:12

Micaiaca levita runataca, cura cachunmi churarca. Chaimi chai mosoca curapaj ruranata rurashpa Micaiapaj huasipi causarca.