NÚMEROS 17:8 - Dios Rimashca Shimicunami

⁸ Chai cayandij tutamantata Mandaj Diospaj carpa huasiman Moisés rishpaca, Leví aillumanta caj Aaronpaj caspipica, verdijlla ramacuna huiñashcata, sisashcata, retoñashca ramacunapica almendracuna p'ucushcatami ricurca.

NÚMEROS 17:8 Iomraidhean Croise

GÉNESIS 40:10

chai yuraca quimsa ramacunayuj cajta, ramacunaca p'angacunayuj tucushpa sisashpa uvata p'ucujta,

SALMOS 110:2

Quiquin mandai tucuna varataca Mandaj Diosmi Sionmanta cachanga. Quiquinta p'iñajcunapaj chaupipimi cazuchishpa mandacungui.

CANTARES 2:3

Ñuca c'uyashcaca mosocunapaj chaupipica, sacha yuracuna chaupipi huiñashca manzana yura shinami ricurin. Ñuca munashcapaj llandupimi tiyarircani. Pai p'ucushca micunaca, ñuca shimipica mishquimari.

ISAÍAS 4:2

Chai punllacunapica Mandaj Dios retoñachishca yuraca alli nishca canapaj, jatun nishca canapajmi canga. Chai llajtapi p'ucushca granocunaca saquirij israelcunata jatun nishca alli nishca canapajmi canga.

EZEQUIEL 17:24

Jatun yurata urmachishcata, uchilla yurata jatunyachishcata, verdijlla yuratapish chaquichishcata, chaquishca yuratapish verdijllatami rurarcani. Mandaj Dios ñucallataj chashna rurashcatami tucui shujtaj yuracunaca yachangacuna. Mandaj Dios ñucallatajmi chashna nircani, chaitaca pajtachishatajmi” nircami.

EZEQUIEL 19:12

Shina cajpipish p'iñarishpami, p'itishpa pambaman shitashca carca. Rupaj huairami paipaj granocunatapish chaquichirca. Paipaj sinchi ramacunapish p'aquishcamantami chaquirirca. Ninami tucuita rupachishpa tucuchirca.

EZEQUIEL 19:14

Shinallataj chai yura ñahuillamantatajmi nina llujshishpa, paipi tiyaj tucui ramacunatapish, granocunatapish rupachirca. Chai yurapica jatun mandaj mandana, sinchi varapish ña mana tiyarcachu nishpa huacangui nircami. Cai shimicunaca yupashpa yupashpa huacashcami. Chashnallataj yupashpa yupashpa huacanapajmi canga.

NÚMEROS 16:5

Coré runatapish, Coré runahuan tucushpa jatarijcunatapish cashnami nirca: –Mandaj Diosca maijanlla paipaj cashcata, maijanlla jucha illaj cashcataca cayami paipajman c'uchuyachishpa ricuchinga. Mandaj Dios agllashcacunallami paipajmanca c'uchuyangacuna.

NÚMEROS 17:5

Chaipica maijantami ñucapajta rurachun agllani chaipaj tauna caspipimi sisa huiñanga. Chashna rurashpami, ñuca ñaupajpi israelcuna cancunata p'iñashpa juchachishpa rimajcunataca upallachisha” nircami.

NÚMEROS 17:9

Chaimi Moisesca Mandaj Diospaj ñaupajmanta chai tauna caspicunata llujshichishpa tucui israelcunapaj ñaupajman aparca. Chaipi paicuna chaita ricushpaca, cada quiquinmi paicunapaj tauna caspita japircacuna.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.