NÚMEROS 17:7 - Dios Rimashca Shimicunami

⁷ Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 17:7 Iomraidhean Croise

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 14:10

Shina nijpipish, chai tucui israelcunami rumicunahuan shitashun nircacuna. Ashtahuanpish Dioshuan tupanacuna carpa huasipica, Mandaj Diosca paipaj sumaj cashcahuanmi tucui israelcunaman ricurirca.

NÚMEROS 17:4

Chaicunataca Dioshuan tupanacuna carpa huasipi caj, Dioshuan ari ninacushca quillcata huaquichina arca ñaupajpi, ñuca maimantami canman ricurini chai ñaupajpi churangui.

NÚMEROS 17:6

Israelcunaman Moisés chashna nijpica, israelcunata pushajcunaca tucuicunami paicunapaj quiquin tauna caspicunata curcacuna. Paicunaca cada yayamanta ima shina mirarimushcata ricuchij tauna caspitami curcacuna. Tucuimantaca chunga ishqui tauna caspicunami carca. Aaronpaj tauna caspipish, paicunapaj tauna caspicunahuanmi carca.

NÚMEROS 18:2

Cambaj huauquicunaca canhuan tandalla Diospajta rurajcuna cachun churangui. Chaipimi cambaj yayamanta Levi ailluca cancuna mandashcata rurangacuna. Chashnami canpish cambaj churicunapish Dios chaipi ricurina carpa huasi ñaupajpi cancuna rurana cashcata ruranguichij.

NÚMEROS 9:15

Diospaj carpa huasita ña shayachijpica, chai punllatajmi Dios chaipi cashcata ricuchij chai huasi jahuataca p'uyu taparca. Tutayajpica, Diospaj carpa huasi jahuapica nina lunyacujtajllami cayandij tutamantacama carca.

Hechos 7:44

Ñucanchij ñaupa yayacunaca shitashca pambapica, mandashcata huaquichina carpa huasitami charircacuna. Chaitaca ima shina ruranata Moisesman Taita Dios ricuchishca shinallatatajmi rurashca carca.