NÚMEROS 17:11 - Dios Rimashca Shimicunami

¹¹ Moisesca Mandaj Dios mandashca shinami rurarca. Chashnami rurarca.

NÚMEROS 17:11 Iomraidhean Croise

LEVÍTICO 16:15

Chai q'uipaca, chivota israelcunapaj juchamanta cushpa huañuchichun. Chai yahuartaca jarcachishca linso huashaman apachun. Yahuarhuanca huagrapaj yahuarhuan ima shina rurashca shinallataj propiciatorio jahuatapish, propiciatorio ñaupaj ladotapish tsirapachun.

LEVÍTICO 16:16

Chashnami, israelcuna paicunapaj mapahuan mapayachishcatapish, c'ariyashcahuan paicunapaj tucui juchacunahuan mapayachishcatapish ñucapajlla ch'icanchishca ucutaca ima mapa illajllata ruranga. Paicunapaj mapa chaupipi caj Mandaj Dioshuan tupana carpa huasitapish chashnallatajmi chuyayachinga.

NÚMEROS 11:33

Israelcuna chai aichata shimipi churashpa manaraj cashtujpimi, Mandaj Diosca nina sindirij shina paicunahuan yallitaj p'iñarishpa, jatun llaquita cachashpa achcacunata huañuchirca.

NÚMEROS 17:10

Mandaj Diosca, Moisestaca cashnami nirca: “Aaronpaj tauna caspitaca Dioshuan ari ninacushca quillcata huaquichina arca ñaupajllapitaj cachun churai. Diosta c'ariyajcunaca chai tauna caspita ricushpa Diostaca mana c'ariyanalla cashcata yuyarinapajmi canga. Chashna rurashpami, ñuca ñaupajpi juchachishpa cancunata rimacujcunataca upallachingui. Chaimi paicunaca mana huañungacuna” nircami.

NÚMEROS 17:12

Chaimi israelcunaca Moisestaca cashna nircacuna: “¡Ñucanchijca ña huañugrinchijmi! ¡Ñucanchijca ña chingarigrinchijmi! ¡Tucui ñucanchijmi ña chingarigrinchij!