NÚMEROS 17:10 - Dios Rimashca Shimicunami

¹⁰ Mandaj Diosca, Moisestaca cashnami nirca: “Aaronpaj tauna caspitaca Dioshuan ari ninacushca quillcata huaquichina arca ñaupajllapitaj cachun churai. Diosta c'ariyajcunaca chai tauna caspita ricushpa Diostaca mana c'ariyanalla cashcata yuyarinapajmi canga. Chashna rurashpami, ñuca ñaupajpi juchachishpa cancunata rimacujcunataca upallachingui. Chaimi paicunaca mana huañungacuna” nircami.

NÚMEROS 17:10 Iomraidhean Croise

SALMOS 57:4

Ñuca causaica leoncunapaj chaupipimari. Lunyacuj ninata shimiman shitacujcunapaj chaupipimari siricuni. Paicunapaj quirucunaca lanzacuna shina, puntajlla caspicuna shinami. Paicunapaj c'alluca filosapa espada shinami.

ÉXODO 16:32

Chai q'uipami Moisesca israelcunataca: –Mandaj Diosca cashnami nin: Maná shuti tandataca shuj gomerta japishpa huaquichichij. Egipto llajtamanta cancunata llujshichishpa cai shitashca pambapi cancunaman cai tandata carashcata cancunapaj huahua huahuacuna ricuchun ninmi– nircami.

ÉXODO 16:34

Aaronca Mandaj Dios, Moisesta mandashca shinallatajmi shuj mangapi chai tandata churashpa, Mandaj Dioshuan shuj yuyailla tucushcata ricuchij quillcata huaquichina arca ñaupajpi churashpa huaquichirca.

ISAÍAS 1:2

Chaimi paica uyaiyari jahua pacha. Uyaiyari cai pacha. Mandaj Diosca cashnami nin: “Cai huahuacunataca huiñachircanimi. Jatunyachircanimi. Ashtahuanpish paicunaca ñucata p'iñashpami c'ariyancuna.

OSEAS 10:9

Israelcuna, Gabaapi millaita ruranata callarishcamantaca caicama chai shinallatajmari juchallicunguichijlla. ¡Chaitaca ruracunguichijllamari! Yallitaj millaita rurajcunataca Gabaapi llaquichij llaquillatajmi llaquichinga.

NÚMEROS 14:5

Moiseshuan, Aaronhuanca tandanacushca israelcunapaj ñaupajpimi cungurishpa pambaman tupajta cumurircacuna.

NÚMEROS 16:21

–¡Tandanacushca cai israelcunamanta anchuichij. Paicunataca ñahui quinllaillapimi tucuchigrini!– nirca.

NÚMEROS 16:38

Paicunapaj causai chingarinapajllataj juchallijcunapaj inciensariocunaca, Mandaj Diospaj ñaupajpi chai inciensariocunapi inciensota churashpa rupachicushca cashcamanta ñucapajlla ch'icanchishcami. Chaicunataca tacashpa, ñañujllata rurashpa altar jahuata pegashpa churanapaj rurachun mandai. Chaicunata altar jahuapi pegachishcaca israelcunata yuyachishpa yachachinapajmi canga” nircami.

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 17:11

Moisesca Mandaj Dios mandashca shinami rurarca. Chashnami rurarca.

NÚMEROS 17:4

Chaicunataca Dioshuan tupanacuna carpa huasipi caj, Dioshuan ari ninacushca quillcata huaquichina arca ñaupajpi, ñuca maimantami canman ricurini chai ñaupajpi churangui.

NÚMEROS 17:9

Chaimi Moisesca Mandaj Diospaj ñaupajmanta chai tauna caspicunata llujshichishpa tucui israelcunapaj ñaupajman aparca. Chaipi paicuna chaita ricushpaca, cada quiquinmi paicunapaj tauna caspita japircacuna.

NÚMEROS 20:9

Shina nijpi Moisesca, Mandaj Dios mandashca shinallataj rurashpami, Mandaj Diospaj ñaupajmanta tauna caspita japirca.

NÚMEROS 4:18

“Coatpaj aillu familiacunataca, levitacunapuramanta chingarichun ñataj saquinguichijman.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

DEUTERONOMIO 9:24

Cancunaca ñuca rijsishca punllamanta pachami Mandaj Diosta c'ariyajcuna cashcata ricuni.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.

1 SAMUEL 30:22

Davidhuan rijcunapuramanta maijan millai mana alli shungucunaca: –Paicunaca ñucanchijhuanca mana rircacunachu. Ñucanchij quichumushcacunataca paicunamanca mana cunachu canchij. Ashtahuanpish paicunaca paicunapaj huarmita, paicunapaj churicunata pushashpa richunlla– nircacunami.