NÚMEROS 16:9 - Dios Rimashca Shimicunami

⁹ Israelcunapaj Dios tucui israelcunapuramanta cancunata ch'icanyachishpa paipaj c'uchupi churashpa mandashcaca ¿yangalla cashcatachu yuyanguichij? Mandaj Diospaj carpa huasipi paipajta ruraj cachunca paimi churarca. Tucui israelcunapaj randi Mandaj Diospajta ruraj cachun paimi chashna churarca.

NÚMEROS 16:9 Iomraidhean Croise

GÉNESIS 30:15

Chaimi Leaca: –¿Ñuca cusata can japishpaca, allitami rurani yuyanguichu? ¿Chai jahuachu, ñuca churi apamushca mandragoracunatapish quichusha yuyangui?– nijpimi Raquelca: –Cambaj churi apamushca mandragoracunata ashata carajpica, cunan tutaca Jacobca canhuanmi dorminga– nirca.

2 SAMUEL 7:19

Mandaj Jatun Dios cai tucuita rurashcaca cambajca mana achca shinami cashca. Chai jahuamari cambajta ruraj ñuca huasi ucupuracuna q'uipa punllacunapi ima shina canatapish rimashcangui. Mandaj Jatun Dioslla can rurashcaca mana runacuna rurashca shinallachu.

2 CRÓNICAS 35:3

Levitacunaca tucui israelcunata yachachijcunami carca. Shinallataj Mandaj Diospajta rurangapajpish, chai yuyaimi carcacuna. Paicunataca Josiasca cashnami nirca: “Diospajlla arcataca Diospaj cachun Davidpaj churi jatun mandaj Salomón israelcunata mandacushpa shayachishca cai huasi ucupi churaichij. Cai arcataca ña mana cancunapaj rigra jahuapi maiman apanachu canguichij. Cunanca cancunata Mandaj Taita Diospajta ruranallapi yuyaita churaichij. Mandaj Dios agllashca israelcunapaj randi paipajta ruraichij.

NEHEMÍAS 12:44

Chai punllallapitajmi, Judá llajtapi causajcunaca Diospajta ruraj curacunahuanpish, levitacunahuanpish jatunta cushicurcacuna. Shinallataj paicunapaj micuna tiyachunca, pueblocuna muyundij chagracunapi punta p'ucushca granocunata, chungamanta shujta cushcacunatapish, cullquitapish Dios mandashca shinallataj Diospaj huasipi caj huaquichina ucucunaman apamurcacuna. Shinallataj chai cushcacunata huaquichichunpish maijancunatami agllarcacuna. Curacunapajpish, levitacunapajpish micunaca pajtami tiyarca.

ISAÍAS 7:13

Shina nijpica Isaiasca: Davidpaj huahua huahuacuna caita uyaichij: ¿Runacunata p'iñachicushcaca ima mana cashcata yuyashpachu cunanca ñuca Diostapish p'iñachinguichij?

EZEQUIEL 34:18

Cancunaca, alli q'uihuata micushpapish chaquicunahuan sarushpami mapayachircanguichij, chuyajlla yacuta ubyagrishpapish chaquicunahuan sarushpami mapayachircanguichij.

EZEQUIEL 44:16

Paicunami ñucapajlla huasiman yaicushpa ñucaman cushcacunataca rupachingacuna, ñuca mandashcacunatapishmi pajtachingacuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 16:13

Lechepish, sacha chuspipaj mishquipish yacu shina llujshicuj llajtamanta ñucanchijta llujshichishpa, cai shitashca pambapi huañuchun pushamushpaca ¿ima mana cashcatachu yuyangui? Chai jahuachu jatun tucushpa ñucanchijta mandasha ningui.

NÚMEROS 16:8

Moisesca Coré runataca cashnami nirca: –Levitacuna cunanca caita uyaichij.

NÚMEROS 3:6

“Leví aillutaca, Aarón imallata rurachun nishcata rurachun, paipaj ñaupajman pushamui.

NÚMEROS 3:9

Levitacunaca israelcunapuramanta ch'icanchishca cashcamanta Aaronpish, paipaj churicunapish imallata rurachun nishcata rurachun churangui.

Hechos 13:2

Shuj punlla paicuna ayunashpa Jatun Diosta mañacujpimi, jucha illaj Espirituca: “Bernabeta Saulotaca ñucapajta ruraj cachunmi ña cayarcani. Chaimanta paicunataca ñucapajta ruranata callarichun ch'icanchichij” nirca.

1 Corintios 4:3

Cancuna cashpa, cai pacha juezcuna cashpapish ñucata juchachishcaca, ima mana canchu. ¡Ñucallatajpish ima shina cashcataca mana ricuri tucunichu!

DEUTERONOMIO 10:8

Chai punllacunapimi Mandaj Diosca, Leví aillutaca Mandaj Dioshuan ari ninacushca quillcata huaquichina arcata apaj cachun ch'icanchirca. Paipaj ñaupajpi pai mandashcata rurachun, paipaj shutipi israelcunata alli cashca canguichijman nichunmi ch'icanchirca. Cunan punllacunacamami paicunapaj ruranaca tucui chaicuna.

1 SAMUEL 18:23

Saulpajta rurajcunaca pai mandashca shinallataj shimicunahuan Davidman nijpimi, Davidca: –¿Jatun mandajpaj yerno tucunaca cancunapica jahualla cashcatachu yuyanguichij? Ñucaca shuj huajcha runa. Pipish mana alli nipajmari cani– nirca.