NÚMEROS 16:5 - Dios Rimashca Shimicunami

⁵ Coré runatapish, Coré runahuan tucushpa jatarijcunatapish cashnami nirca: –Mandaj Diosca maijanlla paipaj cashcata, maijanlla jucha illaj cashcataca cayami paipajman c'uchuyachishpa ricuchinga. Mandaj Dios agllashcacunallami paipajmanca c'uchuyangacuna.

NÚMEROS 16:5 Iomraidhean Croise

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

SALMOS 115:10

Aaronpaj huahuacunapish, Mandaj Diospi shunguta churaichij. Paica cancunata ayudajmi. Paica cancunapaj escudomi.

SALMOS 65:4

Maijanpish quiquin agllashcaca cushichishcami. Quiquin pushamushcaca cushichishcami. Quiquinpaj huasi canllacunapi causachunmi pushamushcangui. Quiquinpaj huasipi tiyaj allicunahuanmari cushicushun. Jucha illaj quiquinpaj huasipimari cushicushun.

ÉXODO 28:1

Cambaj huauqui Aarontaca paipaj churicuna Nadab, Abiú, Eleazar, Itamarndij cambaj ñaupajman cayai. Tucui israelcunamantaca paicunami ñucapaj curacuna canga.

ÉXODO 28:41

Cambaj huauqui Aaronmanpish, paipaj churicunamanpish chashna churanacunatami churachina cangui. Ñucapajlla curacuna cachun aceitehuan churashpa ch'icanchingui.

ÉXODO 28:43

Aarón cashpa, paipaj churicuna cashpa Dioshuan tupangapaj tandanacuna carpa huasiman yaicunapaj, mana cashpaca altarpi ñucapajta rurangapaj c'uchuyashpapish chaita churashca c'uchuyashpallami mana juchallishpa mana huañungacuna. Cai mandashcacunaca Aaronpajpish paipaj q'uipa huahua huahuacunapajpish huiñaipaj mandashcami.

JEREMÍAS 30:21

Mandaj Diosca cashnapishmi nin: “Paicunapurallamantatajmi paicunata pushaj llujshinga. Shuj mandajmari paicunapaj chaupillamantataj llujshinga. Paitaca ñucapajman c'uchuyachun saquishallami. Paipish ñucapajmanca c'uchuyangallami. Ñucapajmanca pi mana c'uchuyai tucuipajchu.

JEREMÍAS 49:19

Huirayashca sumaj animalta japinaman, Jordán yacu uri sachamanta león llujshij shinami, paicunataca llaquichinaman huichiyasha. Ñallami ñuca agllashca runata cachashpa, chai llajtamanta callpachigrini. ¿Pitaj ñuca shina cangari? Ñucahuanca ¿pitaj ch'imbapurai tucungari? Ñuca llaquichicujpica ¿pi michijtaj mitsai tucungari?” ninmi.

JEREMÍAS 50:44

Jordán yacu uri sachamanta león llujshij shinamari chai jatun pircayuj pueblota llaquichigrini. Ñallami manchachishpa chaimanta callpachigrini. Ñuca agllashca runatami chashna rurachun mingasha. ¿Pitaj ñuca shina cangari? Ñucahuanca ¿pitaj ch'imbapurai tucungari? Ñuca llaquichicujpica ¿pi michijtaj mitsangapaj shayari tucungari?” ninmi.

EZEQUIEL 40:46

Janaj ladoman punguyuj huasica, altarpi Diosman cushpa rupachij curacunapajmi canga. Chai curacunaca, Sadocpaj churi curacunami canga. Chai levita curacunallami Mandaj Diosta servingacuna” nircami.

EZEQUIEL 43:19

Sadocpaj huahua huahua levita curacunami ñucata servinamanca c'uchuyangacuna. Paicunamanca, juchamanta malta c'ari huagratami cungui. Mandaj Dios ñucatajmi chashna nini.

EZEQUIEL 45:4

Ñucapajlla ch'icanchishca cai allpaca curacunapajmi canga. Paicunami ñucapajlla huasipica, imatapish rurashpa causangacuna. Paicunami ñucata servingapaj c'uchuyangacuna. Chaipimi paicuna causana huasicuna canga. Chai allpaca ñucapajlla huasita rurangapaj ch'icanchishcami canga.

LEVÍTICO 10:3

Chai q'uipami Moisesca, Aarontaca: –Cashna tucunataca Mandaj Diosca ña nircallatajmi. Paica: Ñucapajman c'uchuyajcunapimi ñucaca ima jucha illaj cashcata ricuchisha. Ñucaca tucui israelcunapaj ñaupajpimi jatunyachishca casha nijpica Aaronca upajlla carcallami.

LEVÍTICO 8:2

“Aarontapish, paipaj churicunatapish pushashpa, curacuna churarina churanacunatapish, ch'icanchina aceitetapish, juchamanta cuna malta huagratapish, ishqui carnerotapish, levadura illajllata rurashca tanda canastatapish apashpa,

MALAQUÍAS 3:18

Ñucapajman cutirishpami cashcata rurajtapish, millaita mana rurajtapish, Diosta servijtapish, Diosta mana servijtapish yachaj chayanguichij” ninmi.

NÚMEROS 16:3

Tucui chaicuna tandanacushpa Moisestapish, Aarontapish p'iñashpa jatarishpami: –¡Cancunaca yallitajmi tucunguichij, ña chailla saquichij! Tucui israelcunami jucha illajcuna. Mandaj Diosca paicunapaj chaupipimi. Chashna cajpica Mandaj Diospaj tandanacushcacunapaj jahuapica ¿ima nishpataj yallitaj jatun tucushpa mandacunguichijlla?– nircacuna.

NÚMEROS 16:6

Chaimanta caita ruraichij: Coré runapish, Corehuan tucushpa jatarijcunapish, inciensota rupachinacunata cada quiquinpajta apamushpa,

NÚMEROS 17:5

Chaipica maijantami ñucapajta rurachun agllani chaipaj tauna caspipimi sisa huiñanga. Chashna rurashpami, ñuca ñaupajpi israelcuna cancunata p'iñashpa juchachishpa rimajcunataca upallachisha” nircami.

NÚMEROS 17:8

Chai cayandij tutamantata Mandaj Diospaj carpa huasiman Moisés rishpaca, Leví aillumanta caj Aaronpaj caspipica, verdijlla ramacuna huiñashcata, sisashcata, retoñashca ramacunapica almendracuna p'ucushcatami ricurca.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Hechos 1:2

jahua pachaman rina punllacama pai imallata rurashcataca ñami quillcarcani. Paica manaraj jahua pachaman rishpami pai agllashca apostolcunataca jucha illaj Espirituhuan imallata rurana cashcata mandarca.

Hechos 1:24

Chaimi cashna nishpa, Taita Diosta mañarcacuna: “Jatun Dios canca, tucuicunapaj shungutami rijsingui. Cunan cai ishquimanta maijanta can agllashcata ñucanchijman ricuchihuai.

Hechos 13:2

Shuj punlla paicuna ayunashpa Jatun Diosta mañacujpimi, jucha illaj Espirituca: “Bernabeta Saulotaca ñucapajta ruraj cachunmi ña cayarcani. Chaimanta paicunataca ñucapajta ruranata callarichun ch'icanchichij” nirca.

Hechos 15:7

Chaipi tandanacushpa ña achcata rimanacushca q'uipami, Pedro shayarishpaca cashna nirca: –Huauquicuna, mana judiocunapish alli huillaita ñuca huillajpi crijpi quishpichingapajmi taita Diosca sarunman ñucataca agllarca. Chaitaca cancunallataj yachanguichijmi.

Hechos 22:14

Chaimi paica cashna nirca: “Ñucanchij ñaupa yayacunapaj Taita Diosmi pai munashcata rijsichun, pai cachashca Cashcata Ruraj rimashcatapish uyachun cantaca ñaupaman agllashca.

Efesios 2:13

Ashtahuanpish cancunaca ñaupa punllacuna carupi cashca cashpapish, cunanca Cristopaj yahuarmanta, Cristo Jesushuan shujllata rurashpa Diosman c'uchuyachishcacunami canguichij.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

Hebreos 12:14

Tucuicunahuan sumajta causanata mashcaichij, jucha illaj canapi catichij. Mana chashna cajca, Mandaj Jesustaca pipish manataj ricungachu.

Apocalipsis 1:6

Chashna rurashpami ñucanchijtaca jatun mandajcunata, curacunata paipaj Yaya Diospajta rurachun rurarca. Chaimanta Jesucristoca tucuita rurai tucuj canapipish, jatunyachishca canapipish huiñai huiñaita cashca cachun. Chashna cachun.

1 SAMUEL 2:28

Ñucaca tucui Israel aillucunapurapica cambaj aillupi cajcuna ñucapajllata ruraj cura cachunmi agllarcani. Ñuca altar jahuapi ñucaman cushcata rupachichun, inciensota rupachichun, ñuca ñaupajpi efodta churashca cachunpishmi agllarcani. Tucui israelcuna cushcacunataca cambaj aillupaj cachunmi curcani.