NÚMEROS 16:48 - Dios Rimashca Shimicunami

⁴⁸ Chai q'uipaca huañushcacunapaj, manaraj huañushcacunapaj chaupipimi shayarirca. Chaimi huañuica pararirca.

NÚMEROS 16:48 Iomraidhean Croise

2 SAMUEL 24:25

Chaipimi Davidca Mandaj Diospaj shuj altarta rurashpa, Diosman cushpa tucui rupachinatapish, Mandaj Dioshuan alli cangapaj cuna cashcatapish cushpa rupachirca. Chaimi Mandaj Diosca, cai pachamanta mañashcata uyashpa, israelcunata llaquichicun llaquitaca chaillapi parachirca.

SALMOS 106:30

Finees runami jatarishcahuan rishpa, Taita Dios mandashca shina rurashpa chai llaquitaca parachirca.

NÚMEROS 16:18

Shina nijpica, tucuicunami inciensota rupachinacunata cada quiquinpajta apashpa chaicunapi ninata japichishpa chai jahuapica inciensota churashpa Moisesndij, Aarondijllataj tucushpa Mandaj Dioshuan tupanacuna carpa huasi pungupi shayarircacuna.

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

NÚMEROS 16:47

Aaronca Moisés mandashca shinallatajmi, inciensota rupachinata japishpa israelcunapaj chaupiman callpashpa rirca. Huañuica israelcunapica ñami callarishca carca. Chaimi Aaronca inciensariopi inciensota churashpa, israelcunapaj juchamanta Diosman cushpa rupachirca.

NÚMEROS 16:49

Chai huañuipi huañujcunaca, 14.700 gentecunami carca. Coré runahuan tucushpa jatarishpa Diosta c'ariyajpi huañuchishcacunata mana yupashcami chaica carca.

Juan 5:14

Chai q'uipami Jesusca, chai runataca Taita Diospaj huasipi tupashpa: –Riqui, cunanca ñamari alli cangui. Cutinca millaita ama rurangui. Ñataj caita yalli ashtahuan jatun llaqui tucunguiman– nirca.

1 Tesalonicenses 1:10

Huañushcacunapaj chaupimanta causarishca, paipaj Churi jahua pachamanta shamujta shuyana tucushcatapishmi parlancuna. Shamuj punlla Taita Dios p'iñarishpa llaquichinamantaca, chai Jesusmi ñucanchijta quishpichirca.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.