NÚMEROS 16:41 - Dios Rimashca Shimicunami

⁴¹ Chai cayandij punllaca, tucui israelcunami Moiseshuanpish, Aaronhuanpish p'iñarishpa paicunataca: –Cancunaca Mandaj Diospajlla cajcunatamari huañuchishcanguichij– nishpa rimarcacuna.

NÚMEROS 16:41 Iomraidhean Croise

1 REYES 18:17

Acabca Eliasta ricushpaca: –¿Canca israelcunata muspachij Eliastajchu cangui?– nircami.

SALMOS 106:13

Chashna cashpapish pai imalla rurashcacunataca utcami cungarircacuna. Paipaj munaitaca mana shuyasha nircacunachu.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

ISAÍAS 26:11

Mandaj Dioslla, quiquinpaj maquica alzashcamari. Millaita rurajcunaca chaitaca mana ricunchu. Chashna cushpapish chaita paicuna ricushpaca can agllashcacunata ricushpa paicuna shina tucusha nicujcunaca pingai tucungacunami. Quiquinta p'iñajcunataca ninami tucuchinga.

JEREMÍAS 38:4

Chashna huillajta uyashpami, mandajcunaca jatun mandajtaca cashna nircacuna: –Cai runaca cai pueblopi causajcunapaj alli causai tiyachunca mana munanchu, ashtahuanpish llaqui tucushca cachun yuyashpami, cai shimicunata huillan. Chashna huillajpimari saquirishca soldadocunapish, tucui cai pueblopi causajcunapish mana macanacushpa saquina yuyaita japincuna. Chaimanta cai runaca huañunami can– nircacunami.

JEREMÍAS 43:3

Ashtahuanpish Neriaspaj churi Barucmari ñucanchijta caldeocunapaj maquipi churashpa huañuchingapaj, mana cashpaca Babilonia llajtaman prezu apachingapaj cantaca chashna nichun cachashca canga” nircacunami.

AMÓS 7:10

Bet-el pueblopi causaj Amasías curaca, israelcunata jatun mandaj Jeroboammanca, cashna nishpami huillanaman cacharca: “Jatun mandajlla, Amosca cai llajtapi causajcunamanca canta p'iñashpami huillashpa puricun. Pai huillashcataca cai llajtapi causajcunaca, ña mana uyai tucuncunachu.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

Mateo 5:11

Ñucata caticushcamanta tucui laya millai shimicunata rimashpa, llullashpa, c'amishpa, llaquichina yuyailla llaquichijpi llaquita apajcunaca cushichishcami.

Hechos 21:28

cashna nircacuna: –¡Israelcuna, tandanacumuichij! Cai runatajmari tucui llajtacunata purishpa, ñucanchij llajtatapish, Mandashcacunatapish, Taita Diospaj cai huasitapish yangata rurashpa tucuicunaman yachachin. Cunancarin chai griegocunatapishmari Taita Diospaj huasiman yaicuchishpa, cai ñucanchij Diospajlla huasita mapayachicun– nishpami caparircacuna.

Hechos 5:28

cashna nirca: –Ñucanchijca cancunataca chai runamantaca amataj yachachinguichij nishpami mandarcanchij. Ashtahuanpish chashna nishca jahuami cunanca, tucui Jerusalenpi cancunapaj yachachinata yachachishcanguichij. Chai runatapish cancunami huañuchircanguichij nishpami ñucanchijta juchachicunguichij– nircami.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

2 Corintios 6:8

alli nishca canapi, mana alli nishca canapi, allicunami nishca, mana allicunachu nishca, umajcuna nishca cashpapish, mana llullacunami canchij.

Judas 1:16

Chaicunaca huashalla parlajcuna, juchachijcuna, quiquin munaita rurashpa cushicujcunami. Jatun tucushpa rimarijcuna, paicunaman imata cuchun nishpalla shujtajcunata canca allimari cangui nij tucujcunami.