NÚMEROS 16:40 - Dios Rimashca Shimicunami

⁴⁰ Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 16:40 Iomraidhean Croise

ESDRAS 2:62

Chai runacunami, quiquin aillucunapurapi shuticunata quillcachishcacunapi mashcachishpapish mana japircacuna. Chaimantami paicunataca cura canamanta anchuchircacuna.

SALMOS 115:10

Aaronpaj huahuacunapish, Mandaj Diospi shunguta churaichij. Paica cancunata ayudajmi. Paica cancunapaj escudomi.

EZEQUIEL 40:46

Janaj ladoman punguyuj huasica, altarpi Diosman cushpa rupachij curacunapajmi canga. Chai curacunaca, Sadocpaj churi curacunami canga. Chai levita curacunallami Mandaj Diosta servingacuna” nircami.

EZEQUIEL 43:19

Sadocpaj huahua huahua levita curacunami ñucata servinamanca c'uchuyangacuna. Paicunamanca, juchamanta malta c'ari huagratami cungui. Mandaj Dios ñucatajmi chashna nini.

LEVÍTICO 22:10

Manapish cura cajcunaca Diospajlla ch'icanchishcacunataca mana micungachu. Curapaj huasipi pozaj cashpapish, paipajta trabajaj cashpapish, Diospajlla ch'icanchishcacunataca ama micuchun.

NÚMEROS 1:51

Diospaj carpa huasita shujtajman apana tucujpica, levitacuna pascashpa apachun. Diospaj carpa huasita ña maipi shayachina tucujpica, paicuna shayachichun. Manapish levita caj c'uchuyashpaca huañungami.

NÚMEROS 16:39

Shina nijpica, Eleazar curami inciensota cushpa rupachicushpa huañushcacunapaj chaupimanta bronce inciensariocunata japishpa, altar muyundijta pegachingapaj ñañujllata rurarca.

NÚMEROS 3:10

Curacuna rurana cashcata rurachunca, Aaronta, paipaj churicunallata churangui. Pi shujtaj chaita ruranaman c'uchuyashpaca huañungami” nircami.

NÚMEROS 3:38

Diospajlla huasi ñaupaj ladoman, Dioshuan tupanacuna carpa huasi ñaupaj lado, inti llujshin ladomanca Moisés, Aarón, Aaronpaj huahua huahuacunami paicunapaj carpa huasicunata shayachishpa tiyarijcuna carca. Paicunaca Diospajlla huasitami israelcunapaj randi chaipi cuidajcuna carca. Shujtajcuna chaiman yaicushpaca, huañunami carca.

Hebreos 5:4

Maijanpish paipaj munaimantaca curacunata jatun pushaj curaca mana cai tucunchu. Ashtahuanpish Diosmari Aaronta shinallataj agllashpa churan.

JOSUÉ 4:7

cashna huillanguichij: Mandaj Dioshuan ari ninacushca quillcata huaquichina arcata apashca Jordán yacuta ch'imbacujpimari chai yacuca p'itirishpa chaquirirca ninguichij. Chai rumicunami caya mincha cancunapaj tucui huahua huahua israelcunapaj yuyarina canga” nircami.

Judas 1:11

¡Aij, chashna rurajcunalla! Caín shinallatajmari mana allita rurashcacuna. Cullquita munashcamantaca Balaam shinallatajmari pandarishcacuna. Mana cazushcamantaca Coré shinallatajmari chingarishcacuna.