NÚMEROS 16:30 - Dios Rimashca Shimicunami

³⁰ Ashtahuanpish Mandaj Dios pi manaraj ricushcata rurashpa, cai allpa pascarishpa chai runacunata tucui paicuna imalla charishcacunandij millpujpi, paicunaca seolman causaj huashicujpimi, chai runacunaca Mandaj Diosta yallitaj p'iñachishcata yachanguichij– nircami.

NÚMEROS 16:30 Iomraidhean Croise

JOB 31:2

Ñuca chaita ricujpica, Taita Diosca jahua pachamanta ¿imata cungachu? ¿Tucuita Rurai Tucuj Diosca, jahua pachamantaca ima japinata cungachu?

JOB 31:3

¿Diosta mana manchajpajca, llaquica manachu tiyanga? ¿Juchata rurajcunapajca llaquicunaca manachu tiyanga?

SALMOS 124:3

nina sindirij shina ñucanchijhuan p'iñarishpamari ñucanchijtaca causajta millpunman carca.

SALMOS 55:15

Paicunapaj huasicunapi, paicunapaj chaupipica millaimi junda. Paicunataca huañuica cungaimanta japishca cachun. Seolmanca causajraj uriyachuncuna.

ISAÍAS 28:21

Mandaj Diosca, Perazim urcupi jatarishca shinami jataringa. Gabaón pugru pambapi p'iñarishca shinami p'iñaringa. Pai rurana cashcata rurangapaj, pi mana entendipajta pai rurana cashcata rurangapaj, pai trabajana cashcata trabajangapaj, pi mana entendipaj paipaj trabajota rurangapajmi jataringa.

ISAÍAS 43:19

Riqui, ñucaca mushujtami ruragrini. ¿Manachu ricunguichij? Ñallami luzman llujshinga. Shitashca pambapica cutinmi ñanta pascasha. Chaquishca allpapica jatun yacutami surcusha.

ISAÍAS 45:12

Allpa pachatapish ñucami rurarcani. Runatapish chaipi causachun ñucami rurarcani. Ñucami ñuca maquicunahuan jahua pachatapish linsota chutaj shina churarcani. Chaipi imalla tiyajcunatapish ñucami paicuna maipi cana cashcapi churarcani.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

EZEQUIEL 31:14

Yacu c'uchupi huiñaj yuracunalla, cancunapish ama chai yura shina yallitaj jatun cashcata yuyanguichijchu, ramacunata mishashpa huiñanatapish ama yuyanguichijchu, cancunalla jatun cashcatapish ama yuyanguichijchu. Cancunapish tucuicunallatajmi huañuna canguichij. Cancunapish huañujlla aichayuj runacuna huañujpi pambana allpa ucu jatun jutcullapitajmi pambarina canguichij.

NÚMEROS 16:31

Moisés chashna rimashpa tucuchincami chai runacuna maipi shayacun allpaca pascarirca.

NÚMEROS 16:33

Paicunaca causaj paicuna imalla charishcacunandij seolman huashicujpi allpa tapajpimi, tandanacushca israelcunapaj chaupimanta chingarircacuna.