NÚMEROS 16:3 - Dios Rimashca Shimicunami

³ Tucui chaicuna tandanacushpa Moisestapish, Aarontapish p'iñashpa jatarishpami: –¡Cancunaca yallitajmi tucunguichij, ña chailla saquichij! Tucui israelcunami jucha illajcuna. Mandaj Diosca paicunapaj chaupipimi. Chashna cajpica Mandaj Diospaj tandanacushcacunapaj jahuapica ¿ima nishpataj yallitaj jatun tucushpa mandacunguichijlla?– nircacuna.

NÚMEROS 16:3 Iomraidhean Croise

ESDRAS 9:2

Israelcunaca cai llajtapi causajcunapaj ushushicunatami paicunapaj huarmicuna cachun, paicunapaj churicunapaj huarmicuna cachun japishcacuna. Chashnami Dios agllashca jucha illaj israelcunaca cai llajtapi causajcunahuan chagrurishpa mapayashcacuna. Chashna yallitaj millaita ruranataca israelcunata pushajcunarajmi callarircacuna” nishpami huillarcacuna.

SALMOS 106:16

Paicunapaj carpa huasicunapica Moisesta envidiashpami rimarcacuna. Mandaj Diospaj caj jucha illaj Aarontapish rimarcacunami.

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

ÉXODO 19:6

Cancunaca ñuca mandana llajtapi causana curacunapish, jucha illaj runacunapishmi canguichij ninmi nishpa, cai tucui shimicunata israelcunaman huillangui– nircami.

NÚMEROS 14:14

cai Canaán llajtapi causajcunaman huillangacunamari. Canaanpi causajcunaca israelcunapaj chaupipica quiquin Mandaj Dios cashcatami uyashcacuna. Mandaj Dios quiquinca israelcunaman ñahui ñahui ricurishcatapish, quiquinpaj p'uyu israelcunapaj jahuapi cashcatapish, israelcunapaj puntapica punllaca shuj suni p'uyupi, tutaca lunyacuj suni ninapi quiquin ñaupashpa pushacushcatapishmi yachashcacuna.

NÚMEROS 16:11

Aaronca ¿pi cajpitaj juchachishpa rimanguichigari? Ashtahuanpish canpish, canhuan tucushpa jatarijcunapish Mandaj Diostamari p'iñashpa rimanguichij– nircami.

NÚMEROS 16:41

Chai cayandij punllaca, tucui israelcunami Moiseshuanpish, Aaronhuanpish p'iñarishpa paicunataca: –Cancunaca Mandaj Diospajlla cajcunatamari huañuchishcanguichij– nishpa rimarcacuna.

NÚMEROS 16:7

chaipi ninata japichishpa, Mandaj Diospaj ñaupajpi chai nina jahuapi inciensota caya churaichij. Chaipi Mandaj Dios maijantami agllan chaimi jucha illaj canga. Levipaj huahua huahuacuna, ña chailla cachun– nircami.

NÚMEROS 23:21

Jacobpaj huahua huahuacunapica ima mana allita rurajta mana ricushcachu. Israelcunapica ima millaita rurajta mana ricushcachu. Mandaj paicunapaj Taita Diosmari paicunahuanca. Paicunaca ñucanchijta Jatun Mandaj nishpami alabancuna.

NÚMEROS 35:34

Cancuna causacun llajtataca ama mapayachinguichijchu. Chai llajta chaupipimi, ñucaca causani. Mandaj Dios ñucaca israelcunapaj chaupipimi causani” nircami.

NÚMEROS 5:3

Chashnacunataca c'aricunatapish, huarmicunatapish llujshichishpa cachaichij. Cancunapaj chaupipi ñuca causacunta ama mapayachichunmi cancuna causacun carpa huasimanta caruman churana canguichij” nircami.

Hechos 7:39

Ashtahuanpish ñucanchij ñaupa yayacunaca Moisestaca mana cazushpami paita shitashpa Egiptollamantaj tigrashun yuyarcacuna.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.