NÚMEROS 16:29 - Dios Rimashca Shimicunami

²⁹ Tucui runacuna huañuj shinallataj cai runacunapish huañujpica, ñucataca manapish Mandaj Dios cachashcatami yachana canguichij.

NÚMEROS 16:29 Iomraidhean Croise

1 REYES 18:36

Diosman animalta cushpa tucui rupachina horas tucujpica, profeta Eliasca altarman c'uchuyashpami: “Abrahampaj, Isaacpaj, Israelpaj Mandaj Taita Dioslla, Israel llajtapica canlla Dios cashcata cunantaj ricuchiyari. Ñuca cambajta ruraj cashcatapish, can mandajpi caita ruracushcatapish ricuchiyari.

1 REYES 22:28

Shina nijpipish Micaiasca: “Macanacuita mishashpa alli can tigramushpaca, ñucaca Mandaj Dios manapish chashna huillachijpi chashna huillashcata yachangui” nircami. Chashna nishcahuanmi: “Tucuicunami cai nishcataca uyanguichij” nirca.

2 CRÓNICAS 18:27

Shina nijpipish Micaiasca: –Macanacuita mishashpa alli can tigramushpaca, ñucaca Mandaj Dios manapish chashna huillachijpi chashna huillashcataca yachangui– nircami. Chashna nishcahuanmi: “Tucuicunami cai nishcata uyanguichij” nirca.

JOB 35:15

Ashtahuanpish cunanca Diosca, manaraj p'iñarishpa llaquichinchu. Manaraj sinchi sinchita japishpa huanachinchu.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 32:34

Cunanca israelcunata ñuca maiman pushashpa richun nishcaman pushashpa rilla. Ñuca angelmi canta ñaupashpa ringa. Paicunata llaquichina punlla chayajpimi, paicunapaj juchamantaca llaquichisha– nircami.

ECLESIASTÉS 3:19

Gentecunapish, animalcunapish chai shinallatajmi tucurincuna. Causaipaj cushca samaipish, tucuipaj chai samaillatajmi. Ima shina causashcapish yangallami. Chashna cashcamantaca gentecunaca, animalcunataca imamanta mana yalli canchu.

ISAÍAS 10:3

Chashna rurashcamanta llaquichina punlla chayamujpica ¿imatashi ruranguichij? Caru llajtamanta llaquichijcuna chayamujpica, ¿pitashi ayudachun japinguichij? Cancuna charishcacunataca ¿maipishi saquinguichij?

JEREMÍAS 5:9

Cashna juchamantaca ¿manachu llaquichina cani imatagari? Chashna millai runacunataca ¿manachu p'iñarishpa ñacachisha imatagari? Mandaj Diostajmi chashna nini.

LAMENTACIONES 4:22

Sión pueblopi causajcunalla, cancuna llaquita apanaca ña tucurinmi. Cunanmantaca ña manataj prezu cachangachu. Edom llajtapi causajcunalla, cancuna millaita rurashcatapish ricuchingami, chai juchata ricuchishpami llaquichinga.

Apocalipsis 11:5

Paicunata maijan llaquichisha nijpica, paicunapaj shimimanta nina llujshishpami, paicunata p'iñajcunataca rupachishpa chingachinga. Maijanpish llaquichisha nijca, chai shinallatajmi huañunga.