NÚMEROS 16:22 - Dios Rimashca Shimicunami

²² Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

NÚMEROS 16:22 Iomraidhean Croise

GÉNESIS 18:32

Abrahamca cutinmi: –Ñuca Jatun Dioslla, ama p'iñaripangui, cai cutinllahuanmi rimagrini. Chai pueblopi chungalla tiyajpica– nijpi Mandaj Diosca: –Chungallapish tiyajpica paicunata c'uyashcamanta mana chingachishachu– nirca.

2 SAMUEL 24:1

Mandaj Diosca israelcunahuan cutinllataj nina sindirij shina p'iñarishpami, Davidmanca israelcunapish, judacunapish mashna cashcata yupana yuyaita curca.

2 SAMUEL 24:17

Gentecunata chingachicuj angelta ricushpami, Davidca Mandaj Diostaca: –¡Ñucamari juchallircani. Ñucamari millaita rurarcani! Cai ovejacunaca ¿imatataj rurarcacunari? ¡Paicunata llaquichinapaj randica ñucata, ñuca yayapaj huasi ucupuracunata llaquichiyari!– nirca.

JOB 12:10

Tucui causaita charijcunapish, runacunapaj samaipish paipaj maquipimari.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

ECLESIASTÉS 12:7

Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.

ISAÍAS 57:16

Ñucaca mana huiñaita llaquichicushallachu. Mana huiñaita p'iña cashachu. Ñuca chashnalla cajpica ñuca rurashca espirituyuj, almayuj runacunaca ñuca ñaupajmantaca tucuimi chingarinman.

JEREMÍAS 32:27

“Ñucaca tucui cai pachapi causajcunata Mandaj Diosmi cani. Ñucapajca imata ruranapish mana sinchichu.

JEREMÍAS 38:16

Shina nijpica jatun mandaj Sedequiasca, Jeremiastaca pacallapimi cashna nirca: –Cantapish ñucatapish causaiyujta ruraj, Mandaj Diospish ricucunmi. Cantaca manataj huañuchishachu. Canta huañuchishun nishpa shuyacuj mandajcunamanpish manataj cushachu– nircami.

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

LEVÍTICO 10:6

Chaimi Moisesca Aarontapish, paipaj churicuna Eleazartapish, Itamartapish: –Paicunamanta cancuna llaquilla cashcata ama ricuchingapajca cancunapaj uma ajchatapish alli allichiringuichij, cancunapaj churanacunatapish ama lliquirichijchu. Chashna rurashpami cancunapish mana huañunguichij. Diospaj p'iñarishcapish tucui israelcunapaj jahuamanca mana shamunga. Mandaj Dios rupachishpa huañuchishcamantaca, tucui Israel cancunapaj huauquicuna huacangallacunami.

LEVÍTICO 4:3

Curacunata punta pushaj cachun aceitehuan churashca cura juchallijpica, tucui israelcuna juchallishca shinallatajmi canga. Chai juchallishcamanta cuna cashcataca ima mana tucushca malta huagrata Mandaj Diosman cuchun.

ZACARÍAS 12:1

Israelcuna imalla tucuna cashcataca, Mandaj Diosllatajmi huillarca. Jahua pachatapish, cai pachatapish ruraj, runacunamanpish espirituta cuj Mandaj Diosca cashnami nirca:

NÚMEROS 14:5

Moiseshuan, Aaronhuanca tandanacushca israelcunapaj ñaupajpimi cungurishpa pambaman tupajta cumurircacuna.

NÚMEROS 16:23

Chaimi Mandaj Diosca Moisestaca cashna nirca:

NÚMEROS 16:4

Chaita uyashpa Moisesca pambaman tupajta cumurishpami,

NÚMEROS 16:45

–Cai israelcunapaj chaupimanta anchuichij paicunataca ñahui quinllaillapimi tucuita tucuchigrini– nijpimi, paicunaca pambaman tupajta cumurircacuna.

NÚMEROS 27:16

–Mandaj Dios tucuicunaman causaita cuj Dios, israelcunata pushachunca shuj runata churahuai.

Romanos 5:18

Mandashcata shuj runa p'aquishcamantami, tucuicunata jatun llaquiman cachanaca callarirca. Chashnallatajmi shuj cashcata ruraj runamantaca, justificashpa tucuicunaman causaita cunapish callarirca.

1 Corintios 13:7

Tucui llaquita apanllami, tucuita crinllami, tucuita shuyanllami, tucuita ahuantanllami.

Hebreos 12:9

Ñucanchij mana allita rurajpi ñucanchij yayacuna ima shinapish llaquichijpica, paicunataca allimi cazurcanchij. Shina cajpica, causaita cuj jahua pachapi caj Yayatacarin chaita yallitamari cazuna canchij. Chashna cashpami, causaita charishun.

JOSUÉ 22:18

Cunan cancunapish chashna rurashpaca ¿Manachu Mandaj Diosta catinamanta caruyashcanguichij? Cancuna chashna Diosta p'iñachishpa c'ariyashcamantaca cayaca Mandaj Diosca tucui israelcunahuanmi nina sindirij shina p'iñaringa.