NÚMEROS 16:18 - Dios Rimashca Shimicunami

¹⁸ Shina nijpica, tucuicunami inciensota rupachinacunata cada quiquinpajta apashpa chaicunapi ninata japichishpa chai jahuapica inciensota churashpa Moisesndij, Aarondijllataj tucushpa Mandaj Dioshuan tupanacuna carpa huasi pungupi shayarircacuna.

NÚMEROS 16:18 Iomraidhean Croise

2 CRÓNICAS 26:16

Uziasca, ña tucuita mandai callarishpaca, jatun tucushpami llaqui tucurca. Paita Mandaj Taita Diosta c'ariyashpami, Mandaj Diospaj huasi ucuman yaicushpaca inciensota rupachina altarpi inciensota rupachirca.

LEVÍTICO 16:12

Chai q'uipaca Aaronca, Mandaj Diospaj ñaupajpi tiyacuj altarmanta nina brazushuan junda caj inciensota rupachinata japishpa, mishquijllata ashnacuj cutashca inciensotapish ishqui maqui jundata japishpa, ñucapajlla ch'icanchishca ucuta jarcachishca linso huashaman apachun.

LEVÍTICO 16:13

Chaiman yaicushpaca, mishquijllata ashnacuj chai inciensiotaca nina rupacun jahuapi churashpa Mandaj Diospaj ñaupajpi churachun. Aarón ama huañuchunmi mishquijllata ashnacuj chai inciensio cushnica Mandaj Dioshuan shuj yuyailla tucushcata ricuchij quillcata huaquichina arca jahuapi caj propiciatoriota tapanga.

NÚMEROS 16:17

Tucui cancuna cada quiquinpajta inciensota rupachinacunata apashpa, chaipi inciensota churashpa Mandaj Diospajman c'uchuyanguichij. Tucuimantaca 250 inciensariocunami cana can. Canpish, Aaronpish cada quiquinpajta inciensota rupachinacunata apanguichij– nircami.

NÚMEROS 16:19

Coré runaca Moisestapish, Aarontapish p'iñashpa rimachunmi, Mandaj Dioshuan tupanacuna carpa huasi pungupi tucui israelcunata tandachishca carca. Chaipimi Mandaj Diosca paipaj sumaj cashcahuan tucui israelcunaman ricurishpa,

NÚMEROS 16:37

“Aarón curapaj churi Eleazarta cashna ni. Rupashcacunapaj chaupimanta inciensota rupachinacunata apamuchun mandai. Mandaj Diosman ch'icanchishpa cushca cashcamanta inciensariopi caj ushpataca chaimanta chaininijllaman tsirapachun mandai.

NÚMEROS 16:48

Chai q'uipaca huañushcacunapaj, manaraj huañushcacunapaj chaupipimi shayarirca. Chaimi huañuica pararirca.