NÚMEROS 16:13 - Dios Rimashca Shimicunami

¹³ Lechepish, sacha chuspipaj mishquipish yacu shina llujshicuj llajtamanta ñucanchijta llujshichishpa, cai shitashca pambapi huañuchun pushamushpaca ¿ima mana cashcatachu yuyangui? Chai jahuachu jatun tucushpa ñucanchijta mandasha ningui.

NÚMEROS 16:13 Iomraidhean Croise

ÉXODO 1:11

Chashna nishpaca, israelcunata yallitaj llaquichishpa trabajachichunmi millai mandajcunata churarcacuna. Chaicunaca Pitón, Ramesés pueblocunatami faraonpaj imallacunata huaquichinapaj cachun shayachichishpa trabajachircacuna.

ÉXODO 1:22

Faraonca pai mandacun gentecunataca: “Israelcunapaj c'ari huahua huacharijpica, tucuicunata jatun yacupi shitaichij. Huarmi huahua huacharijpica causachun saquinguichijlla” nishpami mandarca.

ÉXODO 16:3

Paicunaca: –Ñucanchijca Egipto llajtallapitaj Mandaj Diospaj maquipi huañushca cashparajchari alli canchijman carca. Chaipica manga aichata ñaupajpi churashpami micuj carcanchij. Tandatapish mana nijtami micuj carcanchij. Cai tucuicunataca cai shitashca pambapi yaricaihuan huañuchingapajmi pushamushcanguichij– nircacunami.

ÉXODO 17:3

Israelcunaca yallitaj yacunaihuan cashcamantami, Moisestaca juchachishpa: –¿Imapajtaj ñucanchijtaca Egiptomantaca llujshichimurcangui? ¿Ñucanchij huahuacunandij, animalcunandij yacunaihuan huañuchingapajchu pushamurcangui?– nircacuna.

ÉXODO 2:14

Chaimi chai runaca: –¿Pitaj cantaca ñucanchijta mandaj cachun, juez cachunca churarcari? ¿Ñucatapish chai egipcio runata huañuchishca shinachu huañuchisha yuyangui?– nijpimi Moisesca: “Chai runata ñuca huañuchishcataca ñamari yachaj chayashcacuna” nishpa achcata mancharirca.

ÉXODO 2:23

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

EZEQUIEL 34:18

Cancunaca, alli q'uihuata micushpapish chaquicunahuan sarushpami mapayachircanguichij, chuyajlla yacuta ubyagrishpapish chaquicunahuan sarushpami mapayachircanguichij.

NÚMEROS 11:20

Ashtahuanpish shuj quilla jundacama, cancunapaj singacunaman llujshingacama, mana micunachishpa millanachingacamami micugringuichij. Cancunapaj chaupipi caj Mandaj Diosta yanganchishpa paipaj ñaupajpi huacashpa: Egiptomantaca imapajchari caimanca llujshimurcanchij nishcamantami chashna micugringuichij ningui– nircami.

NÚMEROS 11:4

Israelcunahuanca mana israelcunapishmi chagru carca. Paicunaca micunallatami yuyarcacuna. Chaimantami israelcunapish micunallata yuyashpa cashna nishpa huacarcacuna: “Caipica ¿pitaj aichata micuchun cungari?

NÚMEROS 11:5

Egiptopica chalhuatapish japishpa micujllami carcanchij. Pepinocunatapish, meloncunatapish, puerros nishcacunatapish, cebollacunatapish, ajostapish micujllamari carcanchij.

NÚMEROS 13:27

Paicunaca cashnapishmi nircacuna: –Ñucanchijca cancuna cachashca llajtamanmi chayarcanchij. Chaipica lechepish, sacha chuspipaj mishquipish yacu llujshicuj shinatajmari cashca. Chaipi p'ucushca granocunapish caicunamari.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 14:3

¿Ima nishpataj Mandaj Diosca cai llajtapi causajcunapaj espadapi huañuchunca pushamunchu imatagari? Ñucanchij huarmicunapish, ñucanchij huahuacunapish macanacuipi mishashpa japishcacuna cachunllamari pushamun. Chaipaj randica ¿manachu Egiptoman tigrana alli canman?” nishpami

NÚMEROS 16:12

Chai q'uipami Moisesca Eliabpaj Datán, Abiram shuti churicunata cayanaman cacharca. Ashtahuanpish paicunaca: –Ñucanchijca chaimanca mana rishunchu.

Lucas 19:14

Chai llajtapi causajcuna chaita yachashpaca p'iñarishpami: “Ñucanchijta pai mandaj cachunca mana ninchijchu” nishpa huillajcunata catichishpa cacharcacuna.

Hechos 7:35

Chai Moisestami: “¿Pitaj cantaca mandaj cachun, juez cachunpish churarca?” nishpa israelcunaca mana cazurcacuna. Paillatatajmi Taita Diosca mandaj cachun, cacharichij cachunpish, zarza yurapi ricurij angelhuan cacharca.