NÚMEROS 15:8 - Dios Rimashca Shimicunami

⁸ Shuj huagrata cushpaca, Diosman cushpa tucui rupachinapaj cashpa, mana cashpaca Diosman cushpa rupachinapaj cashpa, cuna tucushcata pajtachingapaj cashpa, sumaj causaimanta Mandaj Diosman cunapaj cashpapish,

NÚMEROS 15:8 Iomraidhean Croise

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 1:9

Chai huagrata cujllataj chunllullicunatapish, changa aichatapish yacuhuan maillachun. Chaitaca altar jahuapi cura tucuita rupachichun. Chashna tucui cushpa tucui rupachishcami, Mandaj Diospajca sumaj mishquijllata ashnacuj canga.

LEVÍTICO 22:21

Chashnallataj sumaj causaimanta cushami nishcata pajtachingapaj, mana cashpaca cushca cashpapish cuna cashcata cujpi chasquishca cachunca vacacunamanta cashpa, ovejacunamanta cashpapish ima mana tucushca animalta apamuchun.

LEVÍTICO 3:1

Alli causaimanta Mandaj Diosman animalta rupachishpa cucushpaca c'ari huagrata cashpa, huarmi huagrata cashpa, ima mana tucushcata cuchun.

LEVÍTICO 3:5

Chaicunataca, Mandaj Diosman tucuita cushpa tucui rupachina altar jahuapi Aaronpaj churicuna rupachichun. Chashna cujpimi Mandaj Diospajca sumaj mishquijlla ashnacuj canga.

NÚMEROS 15:24

Tucui israelcuna cai mandashcacunata mana tucuita yuyarishcamanta mana tucuita pajtachishpa juchallishpaca, tucuicunamanta shuj huagrata apamushpa Mandaj Diosman cuchun. Chaitaca Mandaj Diospaj mishquiman ashnacuj cachunca, paiman cushpa tucui rupachichun. Chaihuan cunapajca mandashcapi ima shina cuna nishca shinallataj Diosman cuna granocunatapish, tallina vinotapish cuchun. Paicunapaj juchamanta cuchunca shuj chivota cuchun.

NÚMEROS 15:7

Tallina vinotaca shuj hinta quimsapi chaupishca shuj parteta cuchun. Chashna cujpimi Mandaj Diospajca mishquiman ashnacuj canga.

NÚMEROS 15:9

chai huagrahuanca chungapi chaupishca quimsa parte ashtahuan alli cutata, shuj hinta ishquipi chaupishca shuj parte aceitehuan chapushcahuan cuchun.

NÚMEROS 8:8

Chai q'uipaca shuj huagrata apamuchun. Chaihuan cunapajpish, tucuimanta yalli alli cutata aceitehuan chapushcata apamuchun. Juchamanta cungapajca canpish shuj huagrata japishpa cungui.