NÚMEROS 15:5 - Dios Rimashca Shimicunami

⁵ Diosman animalta cushpa ña rupachishca cashpapish, tucuita cushpa rupachishca cashpapish cada malta c'ari ovejahuan tallinapaj vinotaca shuj hinta chuscupi chaupishca shuj parteta apamuchun.

NÚMEROS 15:5 Iomraidhean Croise

2 CRÓNICAS 29:35

Chashnami Mandaj Diosmanca achca animalcunata cushpa tucui rupachircacuna. Shinallataj Dioshuan alli cangapaj cushca animalcunapaj huiratapishmi rupachircacuna. Chai animalcunapaj aichataca, ima shina rurana cashca shinallatajmi, Diosman cushpa rupachircacuna. Tallina vinotapish, cada ovejahuanmi curcacuna. Chashnami Mandaj Diospaj huasipica, cutintaj Diospajta rurai callarircacuna.

ESDRAS 7:17

Chai cullquihuanca malta huagracunata, carnerocunata, malta ovejacunata randishpa chaicunahuan imalla cuna cashcacunandij, tallina vinondij Jerusalenpi caj cancunapaj Diospaj huasipi caj altar jahuapi cungui.

SALMOS 116:13

Quishpichirina copata japishami, Mandaj Diospaj shutipi mañacushallami.

ÉXODO 29:40

Tutamantaman cuna malta ovejataca chuscu libra yalli alli cutata olivosta tacashpa llujshichishca litro aceitehuan chapushcata cungui. Tallina vinotapish shuj litrota cungui.

CANTARES 1:4

Ñucata pushahuayari, canhuan rishun ninchijca. Jatun mandajmi paipaj huasicunaman yaicuchirca, canhuanmari cushicushun. Cambaj c'uyaitaca vinotapish yalli cashcatami yuyarishun. Cantaca c'uyana cashcamantatajmi c'uyancuna.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 23:13

Mandaj Diosman cuna cashcata cungapajca ashtahuan alli cutata shuj efamanta chungapi chaupishca, ishqui parteta aceitehuan chapushcata apamuchun. Chaitaca Mandaj Diosman cushpa rupachijpi mishquijllata ashnaj cachun cungapaj apamuchun. Mandaj Diosman cushpa tallina vinotapish shuj hinmanta chuscupi chaupishca shuj parteta apamuchun.

LEVÍTICO 3:6

Mandaj Dioshuan alli cangapaj Mandaj Diosman ovejata cushpa rupachicushpaca, c'ari ovejata cashpa, huarmi ovejata cashpa ima mana tucushcata cuchun.

LEVÍTICO 3:7

Mandaj Diosman malta ovejata cucushpaca, Mandaj Diospaj ñaupajman apamushpa,

ZACARÍAS 9:17

Paicunapaj c'uyaica achcami canga, paicunaca sumaj ñahui runacunami canga. Trigoca mosocunata, vinoca solteracunatami cushichinga.

NÚMEROS 15:11

Cada huagrahuan ima shina cunata, cada carnerohuan ima shina cunata, cada malta c'ari ovejahuan ima shina cunata, cada chivohuan ima shina cunataca,

NÚMEROS 15:6

Carnerohuan cungapajca, chungapi chaupishca ishqui parte ashtahuan alli cutata, shuj hinta quimsapi chaupishca shuj parte aceitehuan chapushcahuan cuchun.

NÚMEROS 28:14

Tallina vinotaca cashna cuchun: Bizicunahuanca cada bizihuan shuj hinta ishquipi chaupishca shuj parte vinohuan cuchun. Carnerocunahuanca cada carnerohuan shuj hinta quimsapi chaupishca shuj parte vinohuan cuchun. Shuj huatayuj c'ari ovejacunahuanca cada ovejahuan shuj hinta chuscupi chaupishca shuj parte vinohuan cuchun. Mandaj Diosman cushpa tucui rupachinataca, quilla callari punllapica, cada quilla huata jundatataj cucuchunlla.

NÚMEROS 28:7

Tallina vinotaca shuj hinta chuscupi chaupishca, shuj parteta cada malta c'ari ovejahuan cuchun. Ashtahuan alli vinotaca Diospajlla ucupi Mandaj Diospaj ñaupajpi tallichun.

Filipenses 2:17

Cancuna crishcamantaca, ñuca sacrificacushca jahuapi, ñucata huañuchina cajpipish, tucui cancunahuanmi cushicuna shinataj cushicuni.

2 Timoteo 4:6

Ñucaca Taita Diosman cushpa rupachinapaj animal shina ña huañunallami cani. Ñuca rina punllapish c'uchullapimi.

JUECES 9:13

Uva yurapish yuracunataca: Diostapish, runacunatapish cushichij llullu vinota cuj canata saquishpaca ¿maitataj yuracunata jatun mandaj tucushari? nircami.