NÚMEROS 15:36 - Dios Rimashca Shimicunami

³⁶ Chaimi israelcunaca Mandaj Dios Moisesta mandashca shinallataj carpa huasicunamanta caruman llujshichishpa, huañungacama rumicunahuan shitarcacuna.

NÚMEROS 15:36 Iomraidhean Croise

1 REYES 21:13

Ishqui millai runacuna shamushpaca Nabotpaj ñaupajpimi tiyarircacuna. Chai millai runacunaca tucuicunapaj ñaupajpimi: “Nabotca Taita Diostapish, jatun mandajtapish c'amircami” nishpa juchachishpa huillajpi, Nabottaca pueblomanta canllaman llujshichishpa rumicunahuan shitajpi huañurca.

LEVÍTICO 20:2

“Israelcunamanca cashna nishpa huillangui: Israelcuna cashpa, israelcunapurapi causaj mana israelcuna cashpa maijanpish Moloc nishca diosman maijan paicunapaj churita cujca huañungatajmi. Paitaca quiquin llajtacunami rumicunahuan shitashpa huañuchingacuna.

NÚMEROS 15:35

Chaipimi Mandaj Diosca, Moisestaca: “Chai runaca huañunatajmi can. Chaimanta carpa huasicunamanta caruman llujshichishpa tucui israelcuna rumicunahuan shitashpa huañuchichij” nirca.

NÚMEROS 15:37

Mandaj Dios Moisesta mandashpaca cashnami nirca:

DEUTERONOMIO 21:21

Chaipica chai pueblopi causaj tucui c'aricuna rumicunahuan shitashpa huañuchinguichij. Chashnami cancunapuramanta millaitaca tucui anchuchinguichij. Tucui israelcunami chaita uyashpaca manchangacuna.

JOSUÉ 7:25

Chaipimi Josueca Acantaca: –¿Ima nishpataj ñucanchijta cashna llaquichircanguiyari? Cunan cantapish Mandaj Diosmi llaquichigrin– nijpica, tucui israelcunami Acantapish, tucui paipaj cajcunatapish rumicunahuan shitarcacuna. Rumicunahuan shitashca q'uipaca rupachircacunami.