NÚMEROS 15:29 - Dios Rimashca Shimicunami

²⁹ Israelcuna cashpapish, cancunahuan causacuj mana israelcuna cashpapish mana alli yuyarishpa mana tucuita pajtachishpa juchallishcamantaca chai shina mandashcallatatajmi charinguichij.

NÚMEROS 15:29 Iomraidhean Croise

1 REYES 8:41

Chashnallataj manapish Israel cajcuna cambaj shutita uyashpa caru llajtamanta shamushpaca,

ÉXODO 12:49

Chai mandashcallatajmi israelcunatapish, cancunapurapi causacuj mana israelcunatapish mandanga” nircami.

LEVÍTICO 16:29

Tucui cai mandashcacunaca chashna ruracuchunlla mandashcami. Canchis quillapaj chunga punllapica cancunapaj alma llaquilla tucushpa, imata mana rurashpami samarina canguichij. Cancunapish, cancunahuan causacuj mana israelcunapish chai shinallataj rurachun.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

LEVÍTICO 4:2

Israelcunataca: Mandaj Dios mandashca maijancunata mana rurana cashcata mana yuyarishcamanta rurashpaca, cashna rurachun mandai:

NÚMEROS 15:15

Israelcuna cashpapish, cancunahuan causacuj mana israelcuna cashpapish ima shinalla rurashpa pajtachinataca chai shina mandashcallatajmi charinguichij. Chaitaca cancunapaj huahua huahuacunapish, cancunahuan causacuj mana israelcunapaj huahua huahuacunapish chai shinallataj ruracuchunlla. Chashna rurashpami mana israelcunaca, cancuna shinallataj Mandaj Diospaj ñaupajpica cangacuna.

NÚMEROS 15:28

Mana alli yuyarishpa mana tucuita pajtachishpa Mandaj Diospaj ñaupajpi juchallishcamanta cushcataca, curami chai runamanta Mandaj Diosman cushpa Dioshuan alli tucunacuchinga. Chashna rurajpimi, perdonashca canga.

NÚMEROS 15:30

Israelcuna cashpapish, mana israelcuna cashpapish jatun tucushpa mana cazuj cashcamanta, Mandaj Dios mandashcata yuyaipi cashca jahuallataj juchallingachari. Chashna rurajtaca israelcunapaj chaupimanta anchuchishca cachun.

NÚMEROS 9:14

“Cancunahuan causacuj mana israelcuna Mandaj Diosta yuyarishpa Pascua micuita rurashpaca, Pascua micuita ima shinalla rurana cashca shinataj rurachun. Cancunaman cushca mandashcapi ima shinalla ruranata mandashca shinataj rurachun. Israelcuna cashpapish, mana israelcuna cashpapish Pascua micuita ima shinalla ruranataca chai mandashcallatatajmi charinguichij” nircami.

Lucas 12:48

Maijan mana yachashcamanta ima mana allita rurashca cajpica, mana yalli llaquichishcachu canga. Piman achcata cushpaca, achcallatatajmi mañanga. Maijanman achcata mingashca cashpaca, achcallatatajmi tapunga.

JOSUÉ 8:33

Tucui israelcunami paicunapaj cunaj yuyajcunandij, soldadocunata mandajcunandij, juezcunandij Mandaj Dioshuan ari ninacushca quillcata huaquichina arcata levita curacuna apashcacunapaj cada ladopi shayacurcacuna. Shuj chaupica Gerizim urcu ladoman, caishuj chaupica Ebal urcu ladomanmi shayacurcacuna. Israelcunapish paicunahuan caj mana israelcunapish chashnami shayacurcacuna. Mandaj Diospajta ruraj Moisés ñaupaman nishca shinallataj israelcunataraj alli cashca cachun nichunmi chashna shayarircacuna.