NÚMEROS 15:20 - Dios Rimashca Shimicunami

²⁰ Trigota trillashpa ñucamanraj cuj shinallataj, punta trigo cutata masashpaca, chai masamanta punta rurashca tortataca ñucamanraj cunguichij.

NÚMEROS 15:20 Iomraidhean Croise

NEHEMÍAS 10:37

Ñucanchij Diospaj huasi ucupi caj huaquichinacunamanpish curacunapajmi, tandata ruracun masamanta punta rurashca tandata, ñucanchij yuracunapi punta p'ucushca granota, punta rurashca vinota, punta rurashca aceiteta apamushun nircanchij. Levitacunapajca ñucanchij allpacunapi p'ucushca granocunamanta chungamanta shujta cushcata japina cajpimi, tucui pueblocunapi japichun nircanchij.

ÉXODO 23:19

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apamunguichij. Malta chivo aichata sumaj micunata ruracushpaca ama paipaj mamapaj lechellapitaj yanunguichu.

ÉXODO 34:26

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apanguichij. Malta chivopaj aichataca paipaj mamapaj lechellapitajca ama yanunguichu” nircami.

EZEQUIEL 44:30

Shinallataj tucui punta p'ucushca granocunapish, tucui imalla cuna cashcata cushcacunapish tucuimi curacunapaj canga. Cancunapaj huasicunapi bendicion tiyachunca, punta p'ucushca granomanta rurashca tucui laya tandatami curacunamanca cuna canguichij.

LEVÍTICO 2:12

Punta p'ucushca granocunata cucushpaca chaicunata churashpa ñucapajman apamui tucunguichijmi. Ashtahuanpish ñucapaj mishquijllata ashnacuj cachun altar jahuapica ama rupachinguichijchu.

LEVÍTICO 2:14

Punta p'ucushca granocunata Mandaj Diosman cucushpaca, grano espigata canchashcata, mana cashpaca llullu granota cutashcata apamunguichij. Chaimi chagrapi punta p'ucushca granota Mandaj Diosman cushcaca canga.

LEVÍTICO 23:10

“Israelcunataca cashna mandai: Cancunaman ñuca cushca allpaman chayashpa, cancunapaj granota tandashpaca punta p'ucushca granotaca ñucaman cuna cashcamanta ñucamanraj cungapaj shuj gavillata curapajman apanguichij.

LEVÍTICO 23:20

Chai ishqui malta ovejacunataca punta p'ucushca granocunandij, cura huichi ricuchishpa cuyuchishpa Mandaj Diosman cuchun. Chai cushcacunaca Diospajlla ch'icanchishca cashcamanta curapajmi canga.

NÚMEROS 15:21

Tandata rurangapaj masashpaca, Mandaj Diosmanraj cunguichij. Chaitaca cancunapaj huahua huahuacunapish chai shinallataj ruracuchunlla.

NÚMEROS 18:12

Israelcunapaj chagracunapi punta p'ucushca ashtahuan allicunata Mandaj Diosman cushcacunamantaca aceitetapish, llullu vinotapish, trigotapish canmanmi cuni.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

Romanos 11:16

Masamanta punta tandata Diospajraj ch'icanchijpica, tucui masami Diospajlla. Shinallataj sapi Diospajlla cajpica, ramacunapish Diospajllami.

1 Corintios 15:20

Ashtahuanpish cunanca, huañushcacunapaj chaupimanta Cristoca causarishcami. Paica huañushcacuna causarinata ricuchishpa punta causarijmi.

DEUTERONOMIO 14:22

Cancunapaj allpapi p'ucushca granocunataca, tucuimantami huatanta chungamanta shujta cuna cashcataca cunataj canguichij.

DEUTERONOMIO 14:23

Chai chungamanta ch'icanchishca trigota, vinota, aceiteta, punta huacharishca huagracunata, ovejacunataca Mandaj Dios cancunapaj Taita Dios paipaj shutita churangapaj pai agllashca pueblopimi paipaj ñaupajpi micuna canguichij. Mandaj Dios cancunapaj Taita Diosta tucui cancunapaj causaipi manchashpa causanata yachangapajmi chashna rurana canguichij.

DEUTERONOMIO 16:13

Granocunata, uvata tucui tandashca q'uipaca, ramacunahuan chugllacunata rurashpa canchis punllacunata jatun fiestata ruranguichij.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.