NÚMEROS 15:15 - Dios Rimashca Shimicunami

¹⁵ Israelcuna cashpapish, cancunahuan causacuj mana israelcuna cashpapish ima shinalla rurashpa pajtachinataca chai shina mandashcallatajmi charinguichij. Chaitaca cancunapaj huahua huahuacunapish, cancunahuan causacuj mana israelcunapaj huahua huahuacunapish chai shinallataj ruracuchunlla. Chashna rurashpami mana israelcunaca, cancuna shinallataj Mandaj Diospaj ñaupajpica cangacuna.

NÚMEROS 15:15 Iomraidhean Croise

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 12:24

Chashna yachachishcacunataca cancunapish, cancunapaj huahua huahuacunapish huiñaipaj mandashca cashcamanta pajtachicunallami canguichij.

ÉXODO 12:43

Mandaj Diosca Moisesta, Aarontaca: “Cai mandashcacunaca Pascua micuimanta mandashcami. Pascua micuitaca mana Israel cajca pipish mana micungallachu.

ÉXODO 12:49

Chai mandashcallatajmi israelcunatapish, cancunapurapi causacuj mana israelcunatapish mandanga” nircami.

ÉXODO 28:43

Aarón cashpa, paipaj churicuna cashpa Dioshuan tupangapaj tandanacuna carpa huasiman yaicunapaj, mana cashpaca altarpi ñucapajta rurangapaj c'uchuyashpapish chaita churashca c'uchuyashpallami mana juchallishpa mana huañungacuna. Cai mandashcacunaca Aaronpajpish paipaj q'uipa huahua huahuacunapajpish huiñaipaj mandashcami.

LEVÍTICO 24:22

Israelcunapajpish, mana israelcunapajpish chaitataj pajtachichun mandashcacunaca chai mandashcacunallatajmi canga. Ñucami Mandaj Dios cancunapaj Dios cani” nircami.

NÚMEROS 10:8

Trompetacunapi tocajcunaca Aaronpaj churi curacuna cachun. Tucui chai mandashcacunallatajmi cancunapaj huahua huahuacunapajpish canga.

NÚMEROS 15:14

Maijan mana israelcuna shamushpalla cancunapurapi causacushpapish, mana cashpaca causaitataj cancunahuan causacuj cashpapish, mishquiman ashnacuj cachun Mandaj Diosman rupachishpa cunapaj cusha nishpaca, cancuna ima shina cuj cashca shinallataj cuchun.

NÚMEROS 15:29

Israelcuna cashpapish, cancunahuan causacuj mana israelcuna cashpapish mana alli yuyarishpa mana tucuita pajtachishpa juchallishcamantaca chai shina mandashcallatatajmi charinguichij.

NÚMEROS 18:8

Mandaj Diosca Aarontaca cashnami nirca: “Ñucaman cushca ofrendacunata cuidachunca canmanmi cuni. Diospajlla cachun ch'icanchishpa israelcuna tucui imata cushcacunataca canman, cambaj churicunamanmi Diospajta rurashcamanta japina cashcata japichun cuni. Chaicunataca cambaj huahua huahuacunapish chai shinallataj japicuchunlla mandashcami.

NÚMEROS 9:14

“Cancunahuan causacuj mana israelcuna Mandaj Diosta yuyarishpa Pascua micuita rurashpaca, Pascua micuita ima shinalla rurana cashca shinataj rurachun. Cancunaman cushca mandashcapi ima shinalla ruranata mandashca shinataj rurachun. Israelcuna cashpapish, mana israelcuna cashpapish Pascua micuita ima shinalla ruranataca chai mandashcallatatajmi charinguichij” nircami.

Gálatas 3:28

Chaimanta judiopish, griegopish, esclavopish, mana esclavopish, c'aripish, huarmipish ña mana tiyanchu. Cancunaca tucuicunami Cristo Jesuspi shujlla canguichij.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.

JOSUÉ 8:33

Tucui israelcunami paicunapaj cunaj yuyajcunandij, soldadocunata mandajcunandij, juezcunandij Mandaj Dioshuan ari ninacushca quillcata huaquichina arcata levita curacuna apashcacunapaj cada ladopi shayacurcacuna. Shuj chaupica Gerizim urcu ladoman, caishuj chaupica Ebal urcu ladomanmi shayacurcacuna. Israelcunapish paicunahuan caj mana israelcunapish chashnami shayacurcacuna. Mandaj Diospajta ruraj Moisés ñaupaman nishca shinallataj israelcunataraj alli cashca cachun nichunmi chashna shayarircacuna.

1 SAMUEL 30:25

Chai punllamanta pachami chai mandashcaca chashnataj caticunlla. Cunan punllacamami Israelpica chaitataj pajtachincuna.