NÚMEROS 15:14 - Dios Rimashca Shimicunami

¹⁴ Maijan mana israelcuna shamushpalla cancunapurapi causacushpapish, mana cashpaca causaitataj cancunahuan causacuj cashpapish, mishquiman ashnacuj cachun Mandaj Diosman rupachishpa cunapaj cusha nishpaca, cancuna ima shina cuj cashca shinallataj cuchun.

NÚMEROS 15:14 Iomraidhean Croise

1 REYES 8:42

cai huasipimi mañangacuna. (Paicunaca cambaj jatun shutita, cambaj maquica tucuita rurai tucuj cashcata, cambaj rigracunapish chutashca cashcata uyashcamantami chashna shamungacuna)

LEVÍTICO 22:18

“Aarontapish, paipaj churicunatapish, tucui israelcunatapish cashna mandai: Israelcunapuramanta maijan cashpapish, Israelpi causaj mana israelcuna cashpapish ñucaman cusha nishcata pajtachingapaj cucushpaca, cusha nishcamanta Mandaj Diosman tucuita cushpa tucui rupachinapaj cushca,

LEVÍTICO 22:25

Mana israelcunapajtaca chai shina animalcunata cancunapaj Taita Diosman cungapaj apamujpica ama japinguichijchu. Imapish tucushca animalcunataca imapish tucushca cashcamanta mana chasquingachu ninmi ni” nircami.

NÚMEROS 15:13

Mandaj Diospaj mishquiman ashnacuj cachun rupachishpa cucushpaca, tucui israelcuna chashna rurashpa cuchun.

NÚMEROS 15:15

Israelcuna cashpapish, cancunahuan causacuj mana israelcuna cashpapish ima shinalla rurashpa pajtachinataca chai shina mandashcallatajmi charinguichij. Chaitaca cancunapaj huahua huahuacunapish, cancunahuan causacuj mana israelcunapaj huahua huahuacunapish chai shinallataj ruracuchunlla. Chashna rurashpami mana israelcunaca, cancuna shinallataj Mandaj Diospaj ñaupajpica cangacuna.