NÚMEROS 14:9 - Dios Rimashca Shimicunami

⁹ Shina cashcamanta Mandaj Diosta c'ariyashpa ama p'iñachichijchu. Chai llajtapi causajcunataca ama manchaichijchu. Paicunataca ñucanchijca tandata micuj shinallami chingachishun. Paicunata ayudajca paicunamanta anchurishcami. Ashtahuanpish Mandaj Diosmari ñucanchijhuanca. Chaimanta ama manchaichijchu– nircacunami.

NÚMEROS 14:9 Iomraidhean Croise

GÉNESIS 48:21

Chai q'uipami Israelca, paipaj churi Josetaca: –Riqui, ñucaca ñami huañugrini. Taita Diosca cancunahuanmi canga. Paimi cancunataca ñaupa ñucanchij yayacuna causashca llajtaman tigrachinga.

2 CRÓNICAS 13:12

Jalachij israelcuna, ñucanchijtaca Taita Diosmari mandacun. Shinallataj cancunahuan ñucanchij macanacugrichunca, pai Diospajta ruraj curacunamari trompetacunapi sinchita tocangapaj ñucanchijhuan shayacun. Chashna cashcamantaca, ama cancunapaj yayacunata Mandaj Taita Dioshuanca macanacunaman shamuichijchu. Paitaca mana mishai tucunguichijchu” nircami.

2 CRÓNICAS 20:17

Cunanpica mana cancuna macanacunachu canguichij, ashtahuanpish casijlla shayanguichijlla. Chashnami ñucataj cancunata quishpichijta ricunguichij. Judá llajtapi causajcunapish, Jerusalenpi causajcunapish ama manchaichijchu, ama huashayaichijchu. Cayataj tupanaman llujshichij. Mandaj Dios ñucatajmi cancunahuan casha ninmi” nircami.

2 CRÓNICAS 32:8

Ñucanchijhuan macanacungapaj paihuan shamujcunaca runacunallamari. Ashtahuanpish ñucanchij paicunahuan macanacujpica, ñucanchijta Mandaj Diosmari ayudahuanga” nircami. Judá llajtata jatun mandaj Ezequías chashna nijpica, tucuicunami mana manchashpa c'ari c'ari cana yuyaita japircacuna.

NEHEMÍAS 4:14

Chashna mana rurai tucunchijchu nicujta ricushpami, ñucaca jatuncunatapish, mandajcunatapish, tucui chaipi cajcunatapish: “Ama manchaichijchu. Tucuita rurai tucuj, manchana, Jatun Diosta yuyarichij. Tucui caishujcunamanta, cancunapaj churicunamanta, cancunapaj ushushicunamanta, cancunapaj huarmicunamanta, cancunapaj huasicunamanta macanacuichij” nircanimi.

SALMOS 106:24

Paicunaca munanajlla sumaj llajtamanmi mana rishun nircacuna. Pai cusha nishcataca mana crircacunachu.

SALMOS 121:5

Mandaj Diosca canta huaquichijmi. Mandaj Diosca cambaj alli maqui ladopi llandujmi.

SALMOS 14:4

Millaita rurajcunaca Mandaj Diostaca mana mañancunachu. Allita ruracushcata mana allita ruracushcataca mana yachancunachu. Ñucapaj cajcunataca tandata micuj shinami millpuncuna.

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

SALMOS 46:7

Tucuita Mandaj Diosca ñucanchijhuanmi, ñucanchij paca tucunaca Jacobpaj Taita Diosmi. Selah

SALMOS 46:8

Shamuichigari. Mandaj Dios imallata rurashcata ricuichigari. Paica cai pachapica, mancharinacunatami rurashca.

SALMOS 74:14

Leviatán nishca animalpaj umacunatapish llapircanguimari. Shitashca pambacunapi causaj animalcuna micuchunmari curcangui.

SALMOS 91:1

Maijanpish jahua pacha Taita Dios ugllashca causacujca, Pailla Tucuita Rurai Tucujpaj llandu ucupimi causan.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 33:16

Can mana ñucanchijhuan rijpica ¿ima shinataj ñucapish can agllashca israelcunapish canpi shunguta churashpa ashtahuan cambaj munaita rurashunyari? Chashna cajpimi ñucanchijca shujtaj llajtacunamanta ñucanchijtaca ch'icanyachishca cashcata yachashun– nircami.

ISAÍAS 1:2

Chaimi paica uyaiyari jahua pacha. Uyaiyari cai pacha. Mandaj Diosca cashnami nin: “Cai huahuacunataca huiñachircanimi. Jatunyachircanimi. Ashtahuanpish paicunaca ñucata p'iñashpami c'ariyancuna.

ISAÍAS 32:2

Chai runaca huairata miticuna shinami canga. Jatun acapanamanta paca tucuna shinami canga. Chaquishca pambacunapi yacu llujshicuj shinami canga. Yallitaj rupai punllapi llandurina rumi urcu shinami canga.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 63:10

Ashtahuanpish paicunaca c'ariyashpami paipaj jucha illaj Espirituta p'iñachircacuna. Chaimantami Mandaj Diosca paicunahuan p'iñarishpa macanacurca.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 42:11

Mandaj Diosca cashnapishmi nin: Babilonia llajtata jatun mandajpaj ñaupajpi ricurinataca, ama manchaichijchu. Paitami cancunaca yallitaj manchanguichij. Paipaj maquimanta quishpichingapaj, cacharichingapajca ñucamari cancunahuan casha, ama manchaichijchu.

JEREMÍAS 48:45

Shaicushca callpacujcunaca, Hesbón pueblopimi miticugrircacuna. Ashtahuanpish Hesbón pueblomantaca lunyacuj ninamari llujshinga. Sehonpaj pueblo chaupimanta nina llujshishpami, Moab llajtataca mirga urita rupachinga. C'ari tucushpa caparirijcunaca umacamamari rupangacuna.

DANIEL 9:5

Ñucanchijmari juchallishcanchij, millaitamari rurashcanchij, quiquinta mana rijsijcuna shinamari rurashcanchij, c'ariyajcunami cashcanchij, quiquin mandashcacunamantapish, quiquin chashnataj rurachun nishcacunamantapish anchurishcanchijmi.

DANIEL 9:9

Ñucanchijca Taita Diosta mana cazushpami c'ariyashcanchij. Cunanca Mandaj ñucanchij Diospimi llaquij canapish, perdonaj canapish tiyan.

NÚMEROS 13:30

Shina nijpipish Calebca, Moisespaj ñaupajpi cajcunata upallachishpami: –Paicunata yalli c'ari c'aricunaca ñucanchijmari canchij. Chashna cashcamanta chai llajtata japingapaj huichiyashunchij– nirca.

NÚMEROS 17:6

Israelcunaman Moisés chashna nijpica, israelcunata pushajcunaca tucuicunami paicunapaj quiquin tauna caspicunata curcacuna. Paicunaca cada yayamanta ima shina mirarimushcata ricuchij tauna caspitami curcacuna. Tucuimantaca chunga ishqui tauna caspicunami carca. Aaronpaj tauna caspipish, paicunapaj tauna caspicunahuanmi carca.

NÚMEROS 20:2

Chaipica yacu mana tiyajpimi, tandanacushca israelcunaca Moisestapish, Aarontapish juchachishpa rimangapaj tandanacurcacuna.

NÚMEROS 24:8

Egiptomanta llujshichimuj Taita Diosca, búfalo huagra shina fuerzayujmi. Israelcunaca paicunata p'iñaj llajtacunataca millpungami. Paicunapaj tullucunatapish ñutungami. Israelcunaca paicunapaj flechacunahuan pasajtami satingacuna.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

DEUTERONOMIO 1:21

Riquichij, chai llajtataca Mandaj Dios cancunapaj Taita Diosmi cancunaman curca. Cancunapaj ñaupa yayacunapaj Mandaj Taita Dios ima shina nishca shinallataj chaiman huichiyashpa cancunapaj cachun japigrichijlla. Ama manchanguichijchu, ama shaicuringuichijchu nircanimi.

DEUTERONOMIO 1:26

Chaita uyashpapish cancunaca mana huichiyashun nishpami Mandaj Dios cancunapaj Taita Dios mandashcacunata c'ariyashpa mana cazurcanguichij.

DEUTERONOMIO 1:29

Cancuna chashna ninacucujpipish ñucaca: Ama mancharichijchu, paicunataca ama manchaichijchu.

DEUTERONOMIO 31:6

Fuerzarichij, c'ari c'ari caichij, ama manchaichijchu. Paicunataca ama imata manchanguichijchu. Mandaj Dios cancunapaj Taita Diosmi cancunahuanca ringa. Paica cancunataca manataj saquingachu, manataj shitangachu” nircami.

DEUTERONOMIO 31:8

Mandaj Diosmi cantaca ñaupanga. Paica canhuanmi canga. Cantaca mana saquingachu, canmantaca mana anchuringachu. Ama manchanguichu, ña mana valishachu ama ninguichu” nircami.

DEUTERONOMIO 32:42

Ñuca puntajlla caspicunataca yahuarpimi pambasha. Ñuca espadaca aichacunatami millpunga. Huañushcacunapaj, prezucunapaj yahuartami millpunga. Ñucata p'iñaj mandajcunapaj umacunatami p'itinga' ningami.

DEUTERONOMIO 7:18

Paicunataca ama manchanguichijchu. Ashtahuanpish Mandaj Dios ñucanchij Taita Dios faraontapish, Egiptopi tucui causajcunatapish imata rurashcataca alli yuyarichij.

DEUTERONOMIO 7:21

Paicunataca ama manchaichijchu. Mandaj Dios cancunapaj Taita Diosca cancunapaj chaupipimi. Paica manchana jatun Taita Diosmi.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

Filipenses 1:27

Cancunataca Cristopaj alli huillaipi nishca shinataj purichunllami rogani. Ricunaman rijpipish, mana rijpipish shujlla Espiritupi sinchiyarishpa, alli huillaita crishcapi shuj shinalla macanacucujtami uyasha nini.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 14:12

Chai punllacunapi Mandaj Dios ñucaman cusha nishca shinallataj chai urcupi caj llajtacunataca ñucaman cuilla. Canllataj allimi yachangui. Chai llajtacunapica, Anac shuti runapaj huahua huahuacunami causan. Paicuna causacun pueblocunapish, muyundijta alli pircacunayuj jatun pueblocunami. Mandaj Dios ñucahuan cashcamantaca, chai runacunataca llujshichishpa cachashallami” nircami.

JUECES 1:22

Josepaj aillupish Bet-elpi causajcunahuan macanacungapajmi huichiyarcacuna. Mandaj Diosca paicunahuanmi carca.