NÚMEROS 14:7 - Dios Rimashca Shimicunami

⁷ tandanacushca israelcunataca cashna nircacuna: –Purij shinalla ñucanchij ricushca, rijsimushca llajtaca, yallitaj sumaj llajtamari.

NÚMEROS 14:7 Iomraidhean Croise

NÚMEROS 13:27

Paicunaca cashnapishmi nircacuna: –Ñucanchijca cancuna cachashca llajtamanmi chayarcanchij. Chaipica lechepish, sacha chuspipaj mishquipish yacu llujshicuj shinatajmari cashca. Chaipi p'ucushca granocunapish caicunamari.

NÚMEROS 13:30

Shina nijpipish Calebca, Moisespaj ñaupajpi cajcunata upallachishpami: –Paicunata yalli c'ari c'aricunaca ñucanchijmari canchij. Chashna cashcamanta chai llajtata japingapaj huichiyashunchij– nirca.

NÚMEROS 14:6

Canaán llajtata rijsishpa tigramujcunapuramantaca, Nunpaj churi Josuehuan, Jefonepaj churi Calebllahuanmi yallitaj llaquirishpa paicunapaj churanacunata lliquirishpa,

DEUTERONOMIO 1:25

Paicunaca chai llajtapi p'ucushca granocunata apamushpami ñucanchijmanca: Mandaj Dios ñucanchij Taita Dios ñucanchijman cushca allpaca alli allpamari cashca nishpa huillarcacuna.

JUECES 18:9

–Jatarichij, paicunahuan macanacungapaj huichi rishunchij. Mana imata rurashpa ama tiyacuichijllachu. Ama q'uilla caichijchu. Chai llajtata quichushpa ñucanchijpajtaj cachun japingapaj jacuchij. Chai llajtaca sumajmari cashca.