NÚMEROS 14:43 - Dios Rimashca Shimicunami

⁴³ Amalecitacuna, cananeocunami cancunapaj ñaupajpi. Cancunaca paicunapaj espadapimi urmanguichij. Cancunallataj Mandaj Diosta mana catishun nishcamanta Mandaj Diosca ña mana cancunapaj chaupipichu– nircami.

NÚMEROS 14:43 Iomraidhean Croise

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

SALMOS 44:10

Ñucanchijtaca ñucanchijta p'iñajcunapaj ñaupajmanta manchashpa tigrachunmi saquishcangui. Ñucanchijta millajcuna ñucanchij charishcacunata paicunapaj apachunmi saquishcangui.

ISAÍAS 63:10

Ashtahuanpish paicunaca c'ariyashpami paipaj jucha illaj Espirituta p'iñachircacuna. Chaimantami Mandaj Diosca paicunahuan p'iñarishpa macanacurca.

OSEAS 9:12

Paicunapaj huahuacuna jatunyajpipish, paicunapuramantaca anchuchishami. Paicunamanta ñuca anchurijpica, ¡aij imachari tucungacuna!

LEVÍTICO 26:17

Ñucapish cancunataca p'iña ñahuihuanmi ricusha. Cancunata p'iñajcunapaj ñaupajpimi chugrichishcacuna canguichij. Cancunata p'iñajcunami cancunataca mandanga. Pi mana caticujpipish miticushpami callpanguichij.

NÚMEROS 13:29

Neguev pueblopica amaleccunami causaj cashca. Urcupi caj llajtacunapica heteocuna, jebuseocuna, amorreocunami causaj cashca. Mama cucha c'uchu llajtacunapi, Jordán yacu uripi caj llajtacunapica cananeocunami causaj cashca– nircami.

NÚMEROS 14:25

Pugru pambacunapica amalecitacuna, cananeocunami causancuna. Chaimanta cayaca shitashca pambaman llujshishpa Puca Cuchaman rina ñanta japishpa tigrashpa richijlla– nircami.

NÚMEROS 14:42

Ama huichiyaichijchu. Mandaj Diosca ña mana cancunapaj chaupipichu. Cancunata p'iñajcunapaj maquipi huañungapajllaca ama huichiyaichijchu.

NÚMEROS 14:44

Ashtahuanpish paicunaca paicuna nishcata rurashpami, urcu puntaman ashtahuan huichiyarcallacuna. Paicuna rijpipish Mandaj Dioshuan ari ninacushca quillcata huaquichina arcapish, Moisespish carpa huasicuna chaupimantaca mana rircachu.

DEUTERONOMIO 28:25

Cancunata p'iñajcunapaj maquipimi Mandaj Diosca paicuna mishachun cancunataca churanga. Paicunahuan macanacungapaj shuj ñanllata llujshishpapish, canchis ñancunatami paicunata miticushpa callpanguichij. Cancunaca tucui cai pachapi causajcuna mancharinami tucunguichij.

JOSUÉ 22:15

Rubén aillu, Gad aillu, Manasespaj chaupi aillucuna causacun Galaad llajtaman tucui paicuna chayashpaca cashnami nircacuna:

JOSUÉ 7:12

Paicunapish chingachinapajlla cajcuna tucushcamantami, paicunata p'iñajcunahuanca mana ch'imbapura shayari tucuncuna. Cancunapaj chaupimanta chai chingarinapaj tucushcata mana anchuchijpica, ña mana ashtahuan cancunahuan cashachu.

JUECES 16:20

cashna nishpa caparirca: –¡Sansón, filisteocunaca canta japinaman shamunmari!– nishpa caparijpi Sansón rijcharishpaca, cunanpish ñaupaman shinallataj jahualla quishpirishallami yuyarca. Ashtahuanpish paimanta Mandaj Dios anchurishcataca mana yacharcachu.